名門女子係終審法院個官既絰女，撞車之後拒捕、掌摑警察、不合作(阻差辦工)...其實今日香港唔係得佢一個係咁，而係好多人都會對打佢工既職員，又或者自己本身成為被服務對象既人，即係佢地會以睇唔起人，唔服從，有錢打哂既態度對人

我想講下一個實例，有次我係樓下，個時係朝早我岩岩收工，我見到一班幼稚園至小學既小朋友準備排隊搭車返學，咁其中一個小朋友係幼稚園既，咁佢係條行人路周圍走，咁個菲傭見到佢咁，怕佢有危險，咁菲傭就拉住佢隻手，並且提示呢個少爺仔有校巴返學，要排好隊上車...誰知呢個少爺仔返過來一拳打落呢個菲傭既面。

接著，菲傭依然幫呢個少爺揹書包，整理件校服，不過少爺都係唔領情，仲話:「你好煩呀!成日整人地，你係我隻狗黎架咋!狗都無你咁煩...」呢個說話，出自一個幼稚園既學生上，真係一語驚人...

講真，好多香港人就係咁，有錢就洗到人盡一盡，無錢就求人求政府，其實呢個好明顯就係港女既特徵，對住男友，佢想男友點點點做，唔達標既...就開始發嚕發噪，我覺得呢個係極其唔體面，失去儀態既社會文化!

第二個我想講既係一單我尋晚上樓做CASE既事件，咁尋晚開工既時候，我阿頭就收到日更同事交帶落要做既事，咁之後阿頸就交比我做...咁我呢單CASE就係話D住戶係廚房外牆借一條煤氣管道，掛住一D物件係窗外...

好啦，呢D CASE本來唔係難做，如果係屬實既剪左條繩再CHECK下仲有冇!交帶下就可以了，但家陣就唔係，我上樓到果個疑似事主既單位，個事主仲要係一頭冒水...而且佢真係好火滾!

頂...我一諗就出事啦!日更班流口水隊員又試整d大頭佛比我地夜更，講真日更隊員比夜更多，但無一個係有d作為，就連個主管都係廢...

好啦!我上完個疑似事主檢查過真係無料到，咁咪比佢噴口水一輪囉...佢地兩公婆真係好過分，我上到黎就發哂老皮就話點樣樓上樓下對佢唔好，又話有煙咪又話有嘈音，屌!洗人洗到盡...

今次真係比日更玩死，上到白撞之餘，而且我仲覺得我夜更阿頭對人太和善，即係基本上我覺得佢成日講讓、無贏理論，我覺得係客戶既問題，同事既犯錯，我係阿頭，我係收工交接更我真係屌，講真眼白白睇住因為你犯錯而要我地受呢d野?搞錯ar?

日更同好多港人一樣，旨意人地去做，一教訓得好就會期望人地會做得好好睇睇，遺憾地...世界無呢個咁便宜既想法，你唔去跟進，唔落手做，你唔會明白當中人地既辛酸。

唔好期望人地同你打死一世工，佢唔係你既奴僕。唔好再以為自己有錢大哂，當你一鋪輸到落花流水，你憑咩救你自己，還是你選擇跳海?唔好再玩弄為你服務既人士，佢地打工無得鬧返你轉頭，其實係好辛苦...

打工既人如果係要teamwork做野，唔清楚既唔該真係唔好做，根本係一件靠害既事，我阿頭唔明白，佢就覺得下下都以客為本，講真日更做野寫野唔好，當中交帶完有唔明白既，咪唔好做囉!咁我覺得唔會係自己唔做，而係有d地方唔明白，應該要避免揹黑鍋既風險。以客為本，唔係下下都要即刻做，要個客好開心咁為止滿足同埋完美，而係當中係要少出錯，令對方覺得你係熟識了解，唔係一頭冒水，我起初上去做case我都一頭冒水，點解明明日更報料有咩事，我做完全無?我都差d以為自己傻傻地去錯人地屋企...