先講近況，咁早個幾日我係整親隻手，咁經過睇跌打師傅，佢幫我扯返正條骨，唔錯!兩下手勢就搞好左!

另外就好多謝阿然同徒兒肥仔無名，呢兩個友仔真係好有心!^^

返工方面，唉!極其量多野做，好想快d去山翠同明珠避避難，講真嘉盛真係好鬼多野做，而且我覺得個工作量真係多得離譜!

女友呢...都係好普通，食下飯，抽下煙!都唔係多時間見到佢，我要返工，佢自己有自己既野做下!

補打內容:

星期六20/3...我地夜晚有細佬、四哥、丘仔(即朱古力狗俊既哥哥)一齊去踩車，我就首次由四哥同埋細佬帶上大埔公路!

其實大埔公路點行呢?如果踩單車最快到達入口既方式係由元洲仔公廁既橋底，反方向唔去沙田個邊，過左條路仔出高速既就係啦!咁其實大埔公路我係行過，不過唔係單車，而係我以前學車揸hiace上呢到!又或者由旺角坐通宵紅van或綠van行經此地!

咁大埔公路整體黎講係一上一落，情況少少似西貢西沙路，不過比西沙路簡易得多，講真我用TT格局既車，都唔會上得好辛苦，講真TT車上斜係好慢，要花好多功夫先至練到快!

咁我同細佬一路都係HEAD住個頭，而四哥同阿丘都係比較係上斜慢既一類，咁好彩佢地都係唔慢既，都有返咁上下!

上到頂端既位置，我地一齊落山!一路好快就去到九肚，再去埋火炭!

咁入到火炭，我地無意間係臭河個邊見到山車堂前師傅DEE哥!嘩!真係好耐無見佢!佢明顯比以前係消瘦左，佢而家係火炭做倉務送貨!都好呀!呢行係搵到唔少，不過返工時間真係好長!13小時...我做保安12碼都覺得長!

之後，去到火炭梗係加料上埋穗禾苑啦!阿丘話: 「對上個次，上黎呢個地方仲要休息幾個回合先上到去!」我個一刻係到諗，嘩!唔係咁大鑊嘛?穗禾都要花幾次休息?不過阿丘同朱古力本物個底唔係話勁!人之常情!

咁今次阿丘終於都可以以一TAKE過既方式上到頂!反而最搞笑既係四哥，大車反而包底，真係好鬼死好笑!

額外話題，我個日去左上水TREK買左對終於岩我既手套，一對NIKE TT手套，240蚊!其實一直以黎我係搵唔岩我用既手套，因為大部分既手套都係供應比RB或MTB既用家，但係TT真係無廠有出!唯一nike叻仔!^^

咁我用一般既手套，對手其實係一d都唔舒服，因為魔術貼cue手既手套，揸TT BAR外手時頂手;LG出既彈性CUE，佢好好有JELL保護，但係對我黎講無用，我都唔係用一字BAR...