昨夜，我係工作既時候，無意中見到自己屋苑某座，有一隻貓係一座大廈既簷蓬頂上，起初我就諗...唔通隻貓係被困?

咁我通知我老大出黎睇睇，我老大後黎亦都講返比我聽，隻貓係一個一樓既住戶所養既，而點解隻貓會咁樣走出黎既呢?原因就係當隻貓既主人打開窗戶，貓仔就會走出黎呢個簷蓬頂玩下hea下既...到時到侯呢，貓仔玩夠啦!佢係會自己返屋企訓教!

我聽完之後，我係呆左!一隻小動物居然係會識得利用空間，作為自己既娛樂用途...好野!呢隻貓好叻!而且佢既主人毫不擔心，因為貓仔都算幾定性，因為佢唔會自己玩到走失左...

反觀...人類利用、享有地球大片土地同資源，卻係無乜規劃去建立有用途既土地利用，呢個係一個人類重大既挫折...

香港西九文化區搞到唔拖唔水，到今日都係好多爭議存在係入面，其實香港係缺乏文化交流同埋體藝訓練!老實說，香港人十個有九個都只係掛住搵錢，呢個就「市儈文化」...重點係香港人希望自己賺更多，但從來冇諗過休息既重要性...

係歐美社會，基本上係佢地既公眾假期，除左一d重要既政府社區必須性服務，其他基本上係下班，市民去既唔係大型百貨公司大商場，而係去市公園、動物園、機動遊樂場、去教堂禮拜祟拜、去睇球賽、打波玩板、溜狗之類...同商業性購物係唔會太大掛勾...

呢d就係懂得享受生活既國家，香港人死做爛做，但有幾何見到休息?一有休息，等於獲寶!因為香港既公司機構既法定假期實在少得可憐，冇最底工資!所以工作所得既薪水未能支持生活開支，結果假期好少!甚至係話何來有時間玩?

我很欣賞那隻貓，牠比我地更懂得甚麼是生活同埋享受!