上多篇的日記當中，有一位叫sf1314的女qooza友留言比我，其實呢位係我的前度女友，還好...她唔係xyz#$%&^.......咁留個言比我

反而佢係留一d鼓勵既說話比我，我其實都覺得奇怪，老實說呢位女友曾經是我感情上既救生圈，但係我冇珍惜過，呢個留言反而令我更難過...

今日既佢活在感情幸福既路上，希望呢種日子係佢身上係keep going...反觀，自己雖然同樣在感情線上，其實自己一點也不快樂，因為對方投放既感情，我卻感動不到，我唔知係唔係對感情失信心，或者係曾經面對蒼海，回望自己身影卻一地自卑

好聽咁講，佢既留言係心靈既安慰，難聽點我會覺得係施捨...今日既我，我會覺得自己走進更底谷，我完全不快樂!我失去家，有愛情卻不快樂，有家人卻是沒團結，有工作欠缺一班好心腸既同事，有點儲蓄卻不能很如意地運用...

朋友...各有各忙!我唔知能夠搵邊個可以傾得到，女友...別想...一言九頂既性格，有佢講冇自己講...

現時身邊的女友，似乎係象徵性有個人係身邊，係自己比個朵叫佢做老婆...

回想仲係讀書時候，拍拖會感覺到自己有被人放在眼內既感覺，覺得自己係有一個存在既位置。今日只覺得自己就快連站穩既位置都冇，我感到自己好似被人遺忘

如果有一個地方可以容納自己，我希望那處永遠都是黃昏日落既景象，景物係曾經有人生活過既街景，但從來唔會有人出沒。與其被人遺忘，不如我自己走進一個如此沒有人記起自己既地方