早前，我因為好多野都搞到自己好lost，唔知點解，我發覺lost過之後，我女友比以前積極了，因為佢前日都有係工作時間找我，都幾開心既，即我會覺得女友係感情上係比以前積極得多。

sf1314講得岩既，唔好因為方向迷失，而導致自己處理既事方寸大亂。

講下其他事，我整整成個星期都冇踩單車，原因係天氣認真嘛嘛，天陰，間中有雨水，但係唔係大，呢係先至比佢玩死，我好想出車，但係天氣比唔到...

同時呢，有時工作過後真係幾累，再望一主窗外既景觀，我就一句:「我累既時候你就鬼死咁好天，唔累好想出車個時你就想開波落雨，真教人難做!」

工作上，呢個月處於缺人期，好簡單呢行有一個行業慣性就係同事搵埋新年利事就會想辭工唔做啦!日更走左兩個，我自己係夜更，將會走一個，雖然入左一個新人，但係我覺得佢做野都係普通，唔係個d有進取性既同事，即係人年紀大左，集中力同埋內心都無哂火，變左會係是旦啦個類既心態渡人...

下個月細佬生日呢，我已經係公司攞左四日假，但我老大對我有d聲氣，就係話個假期咁岩係頂山翠明珠既時間上，咁佢set更表就頭痕了!唉!呢d咪又係屎忽囉!set我上自由人呢個位，但係d老大同埋d高層冇話大積極去train一d同事去做我既backup位，好簡單!就以尋晚咁睇，明殊既同事有事返唔到工，咁我去左山翠，咁硬搵一個同事上，好彩個位同事係識得明珠既運作...

我會覺得公司應係要請多d應變位既同事，即係好簡單咁講一team人，有阿頭、副頭、1柴、1個SG(很熟悉保安室工作)、4個SG座頭、3個SG常做巡邏頂位(是旦兩位個兼能應變明珠或山翠既工作)，1個SGR自由人，基本一TEAM要有13個人，但好明顯家陣係無

我夜更既情況係咁，阿頭當然唔想自己成日都要走位，二阿頭呢位老實說係養懶人，1柴條柴係廢既因為唔願意去做保安室工作，常係保安室SG馬仔哥又係嘆位呢既從來都唔多洗跑座頭(擦得鞋嘛!)，其餘三大座頭都係無咩事不過係珍姐同蓮姐最麻煩成日要廁所同蛇王，頂開座頭放假既鍾叔廢既，乜都唔識做!文叔...無乜興趣同佢交流，因為佢太多野講，成日哂自己勁(睇你幾時死!)，新丁飄哥未有評價...

不過總好過日更既，成班都係酒囊飯袋...