尋晚經過一晚好開心既一晚,大吃大食之餘仲有大飲啤酒,好可惜開唔正我既最愛既品牌-青島或藍妹...oh!how damma~

今朝好開心地係9點正起左身,一起身就見到我老母,唉!咁新年流流,例行都要講句祝賀說話,我呢個從來不多理會屋企人既人係咁依就咁講左一句...

之後同屋企人出去拜年,我著左一件花花衫,加左一件黑色既類似西裝褸咁既野就咁出去...講真我未試過咁著...今次咁著的確幾正...

今日我係去我ar媽個邊拜年,係悶左d ga la!只有我,細佬,加兩個表弟,d表弟既歲數兩個加埋都未等於我一半,一個好玩得,一個好文靜,明乎其實係「文武雙全」

之後我同細佬不斷咁同d表弟娛樂娛樂,如果唔同佢地娛樂一下,佢地肯定悶到搞搞陣,冇野搵黎搞...咁我同細佬同佢地一齊玩,的確令我覺得幾悶,倒不如你比枝煙仔我食下,係睇住佢地玩,而唔係同佢地玩...放心,佢地係我表弟,我一定會當正佢地係自己個仔,點都會同佢地玩,悶咪悶lor!好過無所事事...

拜完年,我同屋企人一齊出左去旺角娛樂一下,旺角真係一年365日都咁多人,一行到近新之城個邊,嘩!多人到行都成問題...我同佢地去左一間牛什檔食左個牛根河,牛根河的確好食...食左個河,行左一陣街,冇咩野睇,因為大部份都係「ほ人鞠躬」...我之後同佢地一齊歸家去...如果我出旺角,一定唔會咁行,我點都去新之城打返一兩場灣岸先走...