昨日，我細佬突向我提出想參加單車比賽...我個一刻真係呆左!

比賽?

同devil及fallen angle車隊一齊玩?

比佢地屈而自己送死去做餅底之王?

老實說，比唔比賽我無所謂，至於當中比賽既危險性，我亦都唔太緊張，講真我對細佬有信心既...不過以佢現時目前既程度，似乎同比賽級仲有d距離...

距離係幾多?有可能係創新路3分之2個圈，由於devil用56T加上長時間訓練，我自問用自己車對博士，都有放飛機既情況，同時細佬係掂都掂唔到博既身影...唔好話博士，佢連我都未貼到...咁仲話出去比賽?

我自己想唔想比賽?都想架...不過我既組別唔係公路賽，係時間賽罷...

時間賽時間短，競爭大，唔係多人識玩...第一TT BAR有幾多個識用?甚至有幾多個會用AERO BAR?轉數既準確性，又有幾多個掌握到?我自問都覺得難，當爆車既時候，幾時搖幾時坐同埋幾時上TT杆都變成一個關鍵!

未來我地會由一位高人阿傑帶操，咁希望佢能夠帶領我地去到一個比賽級水平啦!講真我成世人都無咩點參加過比賽...陸運會，我無幾項玩到，因為我係一個耐力型人士，唔係話好多爆炸力，即係個d長跑馬拉松、鐵人賽、越野之類...

不過單車界來講...強者似乎真係多得可怕呢...?