今日，我同女友係msn上嘈，咁呢發起人係我，即係有時人遇到d火滾野就會爆煲去到一d忍無可忍既地步...

咁我女友衰d乜呢...其實係份人唔識表達，佢就以一個理由就有d依賴既成份，佢就話:「成日有好多野好似想講，但係個腦到頂住頂住咁...」如果係醫生check到係語言障礙，咁我無野好講啦!只好默默接受女友既問題，從而去想一d方向去幫助大家既溝通方式!

但係無語障，咁有d咩係表達唔到...感覺有時係難表達，即係開心同唔開心都仲可以用因果理由去理解到，但係好似一d滿足既感覺，或者失落既程度...好難用字墨去表達!

但係其實愛對方既感覺，可以用一d行動去做，又或者一d身體語言去解決左...我唔明點解阿寶覺得咁難!即係如果主動少少既，例如問我去唔去邊到...不如今日同你食飯ar?咁簡單既野都唔識?

佢自己就話自己為我改善左好多野...唔玩k、少煙、少酒、少蒲吧...之類!改善呢d野只係將自己回復返正常人水平，唔係做比我睇，講真太沉迷呢d野，對自己身體無乜益...唉!即係佢唔識得從個項目去睇，呢d野係為自己付出，定係為兩者有一個互惠性係當中!

最令我火滾既係，佢一嬲就咩都唔想講，講真呢d叫逃避、怕事...無正視個問題!好簡單聯合國既會議夠煩惱啦掛?唔通多國元首係議會之中圍打?即係阿寶佢無比機會人地同佢商討，亦都無比機會自己去自辯，夾硬搞到個氣氛好差...

講真我已經忍得佢算多，我唔明有d咩仲未令佢得到一個領悟既層面?而我有d咩未從佢身上或感覺上得到一個平衡?有時，我好無奈...即係我唔知有d咩可以做既，再繼續投放?

一個人領悟力弱，佢需要既係時間了解...

一個人身體軟弱，佢需要既係時間鍛鍊...

一個人記憶力弱，佢需要既係紙筆解決佢既善忘...

一個人受傷，佢需要既係自己堅強既再一次站立!

一個人欠缺主動心態，較主動既人已經為他/她解決目前既問題，自己卻沒得到什麼...

未有身體力行，未有參與其中，別說身同感受!也別向人說:「我做到了!」