今日天氣真係好熱，我同細佬本來今日約左阿四出去，點知衰仔佢就失蹤，電話又無人聽...直頭無法接通!

咁好啦，既然留人處不留，我地自行練習，咁我地去科學園操車...但係出去個時就中招啦!天氣實在太熱，我同細佬都有d爆計既感覺!大窩西既廢氣好勁兼唔散...有d wing wing地兼腳軟軟既感覺，一d都唔爽!

之後，我一路幫細佬頂頭，其實係幾辛苦，因為我深知道如果放佢上黎佢好快沉，唯有自己踩快少少去頂多一刻得一刻!不過去到吐露港個邊，又要再頂...因為較大既逆風，今次真係頂到嘔...

好啦!今次少有地去左單源，主要都係問有冇55T大餅片，咁同樣地係眾多大小單車鋪同一個ANSWER，無!講下55T大餅片既故事...其實呢我而家裝左刀鈴之後就發現刀鈴其實回力真係好大，對小輪黎講53T實係輕腳到不得了，因為回力導致餅每一次落腳都係好輕鬆，其實原理係好簡單...如下

一般鈴情況: 餅自轉一圈，一般鈴就係會同樣自轉，但唔係一圈既FIXED GEAR，係帶有餘力性既迴轉，因為HUBS既啤鈴有滑動既情況...情況就係餘力會隨住動力提供減少，最後鈴就0速沒有旋轉。

刀鈴情況: 餅自轉一圈，刀鈴同樣自轉，帶有餘力性既迴轉，但係刀鈴有兩個功能，一是對抗逆風阻，二是提供慣性回力反供動力輸入區，令其駕單車者輕鬆及更有速度...刀面愈大，回力愈大...

我需要55T既原因就係因為刀鈴回力大，直頭推到我隻行到好快，咁如果我換隻大D餅，咁我咪可以有更快既速度，唔洗53T咁樣超級摩打腳囉!不過現階段都係托大埔登山者ANGLE姐幫我處理中...

講返創新路，今日都係不停咁兜圈子，我地兜圈兜到自己行左幾多個都唔記得，好似係16個到...是旦啦!個過程好玩就得架啦!

最好玩都係去到第6個圈既時候，其實我同細佬一直都知道有人想做低我地，咁有一位車主踩APOLLO藍色既四眼哥，咁佢好得意，單車衫褲加對白飯魚，呢個著法真係幾「新穎」...

好啦!我地兩個已經係到玩緊拉鋸，都有成6個圈!佢中途加入，擺到明踩場，好明顯呢D心態就係以為自己用白飯魚踩贏LOCK踏好威威，其實呢個係佢自己一廂情願，好!我同細佬交足料同你拼下，呢條友有權利就無義務既，入黎玩就癡風尾，但作為大車洗唔洗食細轆風尾?講真無乜效果...唔好當我有條刀鈴無敵咁架!

好啦!佢踩到咁上下就想玩扯出去，我知道佢有意圖想取笑我地小輪徑點快都唔夠大車黎咁，我同細佬一夾車好快就已經過左佢頭!根本係不費吹灰之力完成到既事!玩左6個圈到，佢投降了!返回創新路公廁靜坐，明顯地佢踩到夠哂皮!而且有爆計樣出現左，頭dup dup不太精神既樣子。

我同細佬已經推斷...呢個哥仔好可能比我地折磨到爆計...

無意中，我發覺原來兩兄弟係有粉絲睇緊...係一位dahon既肥仔，一直用相機係到捕捉緊我地，呢個真係估唔到...更有趣既係，我地係公廁見到Thomas，超搞笑...原來佢同佢哥哥及爸爸家庭樂中!原來佢屋企係單車世家...

埋尾，我地去左科學園飲野，又去苑記食野，點知落好大雨...咁我地兩個人本來打算搏一搏踩返屋企，但諗落真係好危險，其實大窩西近期工程都幾多，咁仲有既係車多，我會覺得雨中回家傷車不但止人都辛苦。

本來我打算call客貨速遞，點知勁達同埋便利都自摸爆棚無哂師傅，結果我同細佬都係搭火車返屋企...屌!又要拆碌...