早前，我同阿寶既關係其實都唔見得有幾好，講真兩個人變得唔再積極同對方相處...

亦都係我同佢係5月10日分手了，其實對我黎講係好事黎既，講真苦無結果既事，早d cut左佢好過，講真對住阿寶咁唔積極既女友，其實我覺得係辛苦，即係自己所花既努力，完全係無得到過認同同埋討好...

有人叫我keep得幾耐得幾耐，要做既都做左，無耐真係一d效果都無!我都無心再繼續，去到尾段，我索性放棄!

有人叫我散左好過啦!拖...好辛苦姐!呢個我係絕對考慮過，講真一方努力，另一方只係純粹「享受」或者「運用」，即係挨驢仔...

我呢一刻無唔開心，只係覺得拍左咁多次拖，都覺得自己浪費左好多時間，講真有時對香港好多女仔都失望，即係講真行出街十個有九個都係咁既款，完全提起唔到我對佢地既興趣!

仲要既係，拍極拖都係唔開心，即係我想得到既係好全面既滿足，我唔係要性愛，而係內心覺得係有一種唔錯既滿足感!即對方會緊張自己，對自己既感情生活負責，有家庭感(呢方面阿寶好弱)

算...我需要休息，係感情生活，我無哂動力，拍極都係咁，我寧可孤獨過日...