5月14日 - 山車堂夜遊鹿頸

在鹿頸活動之前既下午，我去左山車堂購買龍爺以二手放出既dura ace55t及44t齒，500蚊有交易

之後去標準，買左張selle itianile既carbon底及seat底骨加皮面seat...1500蚊!125g

咁呢一日係我重遇山車堂既時刻，因為我平日經常性要返工既關係，抽唔到時間去呢個活動，所以呢我今日玩係好開心，講真平時自己一個人戰鬥，最多加埋細佬咁計，其實多人一齊玩真係開心好多!

當晚有10個人到，咁當然有主持龍爺，參加者有阿四、中子、細佬、火星人、鬼哥、魚佬、我、大古力...後加仲有大埔阿叔!terry無到、龜濂傷患在身、阿聰唔去...

去鹿頸，沙公入啦...咁其中有一part龍爺無啦啦放飛機，咁我見到呢個情況更係追爆佢啦!講真我無視對方部車仔係公路定山路，最緊要佢扯爆個時可以同佢決戰一下，結果我係越過左龍哥...

咁鹿頸點玩呢...由BB茶座>漁護站>茶座>漁護站>新娘潭汽水機，就係咁一起步細佬同火星人係長命斜爆出，兩個人一路放飛機放到去漁護站，u turn之後有個改變點，細佬同我一路帶頭...當時尾車同頭車相差10分鐘到

返去鹿頸個時，我同細佬個相差位都唔係好大，一路都係兩個夾埋係一齊，到鹿頸停車場u turn，1st我，2nd細佬，3rd火星人，其餘仲係下坡中...

再上返去漁護站，細佬開始出現疲倦感，尾隨人士已經出現「失蹤化」，之後我係長命斜轉下坡區域起腳爆車，連細佬都放埋飛機...

我同細佬相隔分半鐘，火星人死扯上細佬既位置...之後以極為輕鬆既姿態以第一名到達新娘潭公廁...我差唔多上到公廁，我見大古力岩岩由公廁下山...

排名: 我1、細佬2、火星人3、龍爺4、漁佬5、鬼哥6、中子7、大古力(DNF)(與頭車相差超過15分鐘)、四哥放棄(DNF)

DNF=DID NOT FINISH，解無法完成賽事，與頭車相差超過比賽限制相距時間(頭車同包尾既時間)

之後去左利口福食飯...

5月15日 - MISS朱的東龍島活動

咁尋日去左東龍島，不過唔係我想像之中咁好玩，因為東龍島太少野睇同玩...

一行22個，唉!成班都係以前帶隊識落既中一，而家都中四中五，不過我覺得可惜既係，我好難再有機會返frc帶返起個會，講真今日既青年，已經唔再係積極運動既一群...

好耐無見既MISS CHU，比以前肥左，講真成年都無搞活動，唉!唔肥就假啦...阿展，肥既更肥...真係屙拔甩...我一無再係frc，成個局面又變返我中二時期!

我覺得東龍島係好舒服，不過係悶左d，講真無咩景點可言...最好睇既就係炮台遺址