我尋日同細佬出左去操車，嘻嘻...操到頭盔出水呢!講真尋日咁熱，應該都有30度!我仲要笠住個水滴盔，真係熱到癡線...

咁尋日就係創新路飛左成個鐘，咁出水係好正常!講真我個類時間賽既比賽，實際情況係4至5公里，玩既時間可能係幾分鐘...但係我而家係做緊幾倍時間既事，唔多唔少d汗梗係係個頭到流出黎啦!

開頭幾個圈我仲同我細佬陪跑一陣，不過我發覺我細佬真係耐力不足，佢唔夠動力進入12T細齒既階段，好老實講12T都唔可以行哂成個圈，咁點換55T大餅片?一踩落去覺得又重腳又辛苦，無戰鬥力...有幸唔係咁樣黎比賽，講真咁樣比賽就真係好吊架...

吊架既原因係未有做足準備，未有睇見人地強者既情況，而死衝既情況下走去同人賽車?呢個係魯莽同蠢才既行為，有幸我叫我細佬不如多D練習，提升多D你既技術同埋體能，咁你出到場，就算輸都唔會輸到好肉酸...

之後，我開始發功，我細佬已經有追唔到既情況，而且情況比我預算既不太理想!放車位大概30個...如果係香港DEVIL小輪車隊既人，情況可能會更多!呢方面我唔太清楚，我只知細佬真係要加把勁...

我自己咁睇，如果一年之後真係要比賽，我想今年可以組織好哂d車隊既人士，至少有一隊可以阻下devil同fallen angle既人攞分，不過現階段，得我一個改左大餅，唉!其他有心入既人都仲係起步階段，咁點樣可以係比賽中分一杯羹?的確係一個問題...

車隊...我唔會強烈要求隊中既人比賽既，不過而家咁樣出去就真係未成氣候...係改車、練習、意志都係未夠...努力啦!

同時，我真係想車隊有一間單車店可以support到，即係例如買野有特別平既優惠、技術支援、維修之類、賽前師傅set車...咁會好好多!

題外話，尋日我發覺打唔到比得得...原來佢個傻豬係返學搭車個時唔見左個手電，唉!又會咁黑仔既...之後佢今日更加係禍不單行，感冒菌入腸，搞到佢屙到飛起...陰公...仲要返學校測驗?希望佢搞得掂啦!

我好心痛呢...><