跑步,以往我好少跑,叫我行山就得,今日我同細佬走左出去北區運動場跑圈,我發覺跑步有時真係幾悶,好彩今日有細佬同我跑,所以比較有心機跑...

跑左5個圈,真係開始累累地,之後同細佬休息左一陣,就同佢計時100米短跑,佢用左18秘幾先跑完,真係好慢,以前細佬可以跑得好快,可能因為體能活動有所改變,由速度形轉變為耐力形...

之後,我同佢行左去天平山,俗稱華山,我地走上去行一行,上山個時,已經係夕陽西下,如咸蛋黃既太陽,令人倍感浪漫,上到山頂,唔知點解特別多蚊群,多得非常可怕,一群大約可以有數百,甚至數千隻,真可怕!

落山個時,我不斷同老婆係講緊電話,咁係我落到最斜個段個時,由於我冇著boots,只係著住一對nike既波鞋,導致「老馬失蹄」,我係山滑倒...唔洗擔心,我只係左腳小腿位置少許擦傷之後,我同細佬落左華山靶場,上水只係有呢個靶場,話大唔大,不過都大到有兩個足球場...個度個地理環境係一個環抱形山谷,就好似一個U字形,係靶場入面,由於係開放式靶場,所以咩野人都入到,我同細佬就係呢個山谷靶場行一行,成個場有好多靶場丘,最後我地行到去靶區,即放靶既位置,我地見到d靶係打到爆哂,由於d靶係纖維靶,戶外場日哂月淋在所難免,d靶上靶架,比d子彈射幾下,射得多都穿哂,有d仲碎埋...