呢個6月，我既主場將會由嘉盛變成明珠，其實事關有人手缺乏唔夠既問題，無計啦!我師傅麥sir佢要去周遊列國以及歸隱田園既關係，所以我呢個大替工就會接手做住先...

咁其實係明珠都唔錯呀!有冷氣、有好方便既搵野食方法、有唔錯既客緣、冇一班人既是是非非、冇狗姐要屙尿、冇咁多cam監住你做野...

不過自己一個好長時間，對住四面牆...真係幾悶既!我好唔容易先至悶到收工...講真係個到座頭我勾唔到線上網玩下，要上到一樓平台，但矛盾既係，我除左巡樓，基本上最好係座頭電話on call...費事比屌話個電話成日打唔通。

自己一個，反思下人生意義都係一個唔錯既主意，不過同得得傾得埋左，我發覺自己以前好多野真係好唔掂...亦都係我翻查過自己以前日記既感情事，真係亂哂黎...

老實講，我到今日呢一刻都覺得好唔開心，因為我接受唔到自己既曾經，亦都係好內疚...因為好多野都係自己一手做成。回想返如果自己行少多一步或者行少一步，結果會比現實可能更理想，不過而家都補唔到飛啦...唔分都分左囉，就算人地肯比機會自己，我都唔好意思去攞，我過唔到我良心...

阿得雖然叫我唔好諗咁多，但係邊到可以?我係一個好易札醒既人，因為我一巴打落前女友青蛙個面到，唉!事隔咁耐，影像依然記憶如新...我好後悔打左個一下，到今日好似受左蛆咒咁...

仲有既係阿塋既事，我唔應該放佢係感情戰爭當中，對佢傷害太大了...呢樣野我原諒唔到自己!

我好怕自己有一日真係崩潰...但係我點樣先知可以放得低?我唔知阿得幫唔幫到我...