尋日，我抵受唔住咁多日無車踩既刺激下出左去吐露港...落雨都照殺，對!

咁係屋企樓下出發個時，其實都有幾粒細細地既雨落緊，咁我自己就諗:「希望大窩西支路個邊唔好落狗屎...」因為個度除左和合石火葬場山路對出之外有一個涼亭仔，其餘既之下剩底水圍十字路口，或者水圍出大埔公路隧道可以避雨，基本上其他地方都無得比我避!

好好彩，我出到去創新路都未揸得出好大雨，不過路面濕滑令行車好唔爽!平時用開馬牌胎既自己，乾地當然係好乾淨利落咁完成一個圈，但係尋日地濕，5至6級風真係吹到車都差d吹翻...自己用既刀鈴反而係側風下既表現唔係咁好，浪費好多體力去支持返架車既平衡...

今次練車有少少變化，玩完幾個圈創新路，順手行一次單徑，我由元洲仔出發，一路去到孖橋折返...再返去元洲仔。咁係單車徑既表現唔錯，可能有較多既建築物及空曠度低，我可以好隨心就行到40km/h，相反地係創新路...我最快先得40...有時跌到得返28，講真好大風阻，架車好似行唔郁咁既...

呢次練習好深感覺，我好少係咁差既天氣都出去踩...其實呢d天氣踩都幾危險，不過要練車比多d時間練習係應該既!而且唔好再因為天氣而怕左唔出去，其實係一個好好學習既機會。