香港曾經係英國既殖人民地,不過曾經都有被日軍佔領既三年零八個月痛苦歲月,而英軍及印度軍(即盟軍)當時係香港與日軍奮力火拼抵抗...就係今日,我地樂行之友就到城門碉堡去探勘一下...

尋日,我同細佬經過一輪準備,包括購買及齊理裝備同埋練氣(跑步),雖然簡簡單單,不過已經係一個足夠既準備...

今朝我同細佬係7點個時起左身,咁食食下早餐個時,我既親信steven參謀長既細佬臭軒突然打比我,佢就話steven今日唔黎,我之後就問佢點解,佢就話大把書要溫(佢聲稱因中史明天一返學就要大測,範圍係中四至中五全部)我心諗,中四至中五既中史課程如果以一日之內溫哂,基本上係冇可能,因為一個中四課程以5個鐘頭溫只係可以少少識同記得哂,加上中史好鬼死難記,雖然steven天生係一個讀書材料,成績奇好,但讀中史係佢其中一個痛苦(對佢黎講經濟係最慘,我都係!)...最後我呢個體諒朋友既人只好帶住失望同佢細佬加我細佬ar b誠走上樂行之友遠足既路線...

臨出門食早餐個時,老婆突打比我,我好開心ar!因為老婆係咁早既時間都打比我同支持我,抵錫!>3<

返到學校個時,由於今日我地3位高層因為遲出門,所以比平時既樂行活動既到達學校時間遲...不過好彩班會員冇點樣搞搞震,都係乖乖地係學校等,之後d會員同我打招呼,係一入學校門口就已經係咁,搞到好似d公司既大老闆返黎公司咁,d員工同老闆打招呼...

一入到學校有蓋操場,我就要搵我既老闆珍珍,我每次都係要做呢個功夫,因為行政人員係要做分派物資、點人數之類既工作,而我呢個樂行之友既學會主席更要帶領佢地做野,好彩佢地都係忠臣,臭軒同steven佢地兩兄弟都係我既最信任既親信,雖然steven今日冇法出席,不過都有佢細佬挺場...

過左一陣,上車出發,班友開始係架車入面玩,手機自拍、吹水...

到左start point,由於我唔識九龍既山,連start確認都感到甚吃力,所以起個時都要搵老闆跟一跟...起步個時d中一鑊鍜都係好似d炮灰部隊咁死衝,但佢地既level點同我細佬同親信田鼠咁勁ar?上唔夠15分鐘全部比水彈朱太郎及一班全能人士及全能既我追過,我地個d因為長期係背負重型gear,起步相對比較慢,不過後追一流,我地因為有時行得比較慢,要經常反超前,所以耐力最高,而中一個d根本就係死衝,完全係冇技巧,當正自己係「紅牛」咁上山,咩野人都好快跪低la!

上到咁上下,足之見到d碉堡,碉堡係挺大,不過隧道位有d好窄,要以少許既慢爬先至人到去,好多時d管道有唔同既軍事編號,好彩係英文...係管道行走並不是一件好玩既事,由其是我呢d重形裝備既人,咩住個大背包,行d窄少少既管道都好容易撞到,不過當時既軍人就係係呢d既管道,咩住d裝備鬼死咁大咁行走,真係非常辛苦...

離開左碉堡,係簡直離開黑暗,重見天日!碉堡之後既路好多都係石屎地,對於我來說其實係好痛苦,因為石屎搞到山不似山,太冇郊外feel,既悶之如仲要係仲辛苦過行沙石斜坡,樓梯級經常係要提腳向上,而沙石斜坡因冇梯級,所以提腳向上動作不受梯級扞擾,提腳既力量相對較少,而且前進力高,所以我討厭樓梯...不過現時香港既大大小小既郊遊徑已經係開始不斷「石屎化」,所以非常不幸...

到左lunch point,當我用萬用刀切完野之後打算收刀個時,比把刀彈正隻手指公,即時出血,好彩傷口不深,冇事!老婆豬,唔洗擔心ga!比萬用力彈親我好多時都會係咁,唔好唔開心...

食完lunch,都係繼續咁行,去到一個point之後,由於成隊人既體能不一,有人就超勁,有人就累壞了,之後就分成兩隊人,兩隊都比我改左名,勁人隊就係「筆架山仆直團」及弱者「綠蔭爛屍拮路團」,「筆架山仆直團」係要上到筆架山山頂再落望夫石,極要耐力,而「綠蔭爛屍拮路團」則要係行山腰再到望夫石,相對較容易...我當然係「筆架山仆直團」啦!由於係起步個時比我咁改名,引來大量既挺場客...中一仔...上筆架山的確挺費力,500幾級樓梯...

最後到左望夫石,以前成日以為望夫可好細座,原來係10個人咁高,係望夫石腳下,先至知道石既巨大,我同老闆、細佬係個度睇左好耐風景,仲發現那處有大量煙頭,萬寶路居多,可能因風景宜人,好多行山既人都係一邊睇風景一邊食煙仔...

景靚而且富挑戰性既活動,教人快樂,也教人興奮...希望老婆有能力既可以同我一齊再玩一次...坐係望夫石,係好浪漫的...