我照舊去左科學園練車，不過尋日架車有少少故障既問題...

咁我去到元洲仔，個水架突然間鬆左粒縲絲，咁呢d事故真係好少見!咁我解踏落車睇睇，一抽個水樽...屌...縲絲鬆左直入坑渠冇仇報?

唉!反正我都忍夠個topeak水樽架，不如去科學園入貨仲好啦!咁我踩到去，本來我打算配返粒鏍絲就算，點知單源車鋪就話佢地冇得咁樣配，因為佢地無做呢d小零件...其實邊到冇做呀?講真一間咁山卡忽既車店，佢咁講都係想我買佢地既貨品，咁我都預左架啦!

咁岩個位肥佬售貨員認得我...佢就話全店得返一千零一個水架，catcage鋁合金既...90蚊!咁都幾靚ga!咁岩又係我車架既紅色!又幾襯wo!買啦!

最好笑單源原來係冇EPS既功能付款，搞到我去左CANTEEN個邊提款，埋門一腳入去....我放部車挨科學園個D牆...

點知...部車「訓教」，個下我火都黎!我見到自己張跑SEAT花左，心痛就冇啦!因為呢D車件遲早都要講拜拜...不過無啦啦整花左就真係火滾，最後返到去單源，裝埋個水架...閃人操車!

一個星期練左3日，老實講...真係有D累!KEEP速就還可以...但係以轟炸既形式去谷車，唔係好得...有D遲滯同埋延續性唔夠，咁尋日我都係量力而為，炸左3個大圈，一個細圈(即半個大圈，大圈中間cut~)...

黎緊我放假放6月8日星期二...睇下會唔會踩西貢啦!~