尋日返到嘉盛，有一種好似久別重逢既感覺...不過嘉盛依舊都係缺乏人手，有時候寫字樓個邊雖然係處於「積極」狀態去請人，但事實就係薪金唔太差又唔太理想，咁好老實講人手長期唔夠...你點請人點貼街招、上勞工署開post...

其實咁樣又點會有人入?...法團唔肯洗錢兼唔肯多比勤工獎，公司內部又唔肯多加人工....入職6800大元，似乎唔係好夠吸引性...

返到嘉盛，好熱...有d唔係好慣，可能係明珠涼慣左冷氣啦...咁嘉盛咁大把就係得保安室有冷氣，唉!其實都幾陰公，講真我地仲要恤衫打tie，都唔咪話條頸好受...

返工...我既習慣都係吞撲，基本上有得訓既就訓...

聽我老頂講，明珠既麥sir似乎同士頭婆講掂數有計傾，佢會返黎明珠繼續幫手，唉!其實走乜鬼呀...佢條友成日係到玩尻經理~睇下幾時玩出火...

返工講既係咁多...都係照舊個句，家下今時今日，有好多我呢一個年紀既人無野做，我都係睇定d先再睇下有冇轉工既可行性又或者朋友搭路有咩好工...JACK個D我唔多岩，講真真係好難頂....呢d工我覺得最容易搞到眾叛親離