我岩岩收工，見到落雨既天氣其實都有d無奈，因為我本來計劃左今日會出去操下車...點知呢場咁既雨，搞錯呀!倒我米姐?

咁講返正題啦!我阿頭又試叫我調假，27號果個星期日，佢想叫我轉日子，頂!其實我好鬼火滾，點解成日嘉盛夜更都唔夠人，搞到成日都要搵人祭旗，由其係我，我經常被叫到要做調假既人，我「調」你老母呀...

我最唔明白點解阿頭成日錫住哂班老屎忽，講真班老野生產力唔高，生產d事事非非就No.1，我心諗好人難做，我覺得勤力工作係無回報，即係咁講，我已經去到最犧牲既層次做到大替假，家陣成日都要係明珠頂個隻老麥個d我都唔知係咩假既日子。

明珠呢個又係離哂大譜，話走就走，話返就返，講真當公司酒店呀?呢d咪就係累撚死人囉，嘉盛唔夠人手，仲要照顧你件蛋散?搞錯呀?

昌盛個邊又係仆街架，要人就要我地頂山翠?喂...山翠唔係我經理個d地頭黎架wo!無啦啦仲要我地過去?搞錯ar?

我好想知個d高層究竟點諗野，人就想請得少，做野就做死人，老實講6800蚊起薪點，想要人地有一流服務，係咪癡線架?無冷氣既大堂，仲要小息時間一粒鐘，其實我覺得係唔理想!

不過我入左黎做，屋企又突然有咁多轉變，我唔想話屋企無錢用...只好就係話做住先，講真我諗唔到有咩方法可轉工又可以保持屋企既收入係穩定同埋唔洗成為屋企既負擔!

更有一個問題，我係唔適合做技術性行業，講真我學野真係慢到嘔，又成日唔記得個技巧，咁講真好易怩人炒，我自己講野唔係話好得!所以真係算啦!保安工作只可以硬做...我都唔知有咩工作比呢行更合適?