昨日既報章就提及到一位香港既「民主女神」周澄比人大起底...我想講既係香港邊一個都好，都會比人起底...

人地激進呢個我無野好講，同長毛一樣，都係玩到玩差佬佗佗擰，好事黎既!有時香港就係需要呢類人同頹廢既政府玩下，先至會見到成果...不過政府既頹廢，又點可以一朝一夕搞得好?

不過我睇唔過眼既就係，周澄呢個飽讀詩書既人，居然要走去做夜總會「金魚」，講真「金魚」係唔係真係陪老闆飲兩杯猜下十五二十，天曉?佢話唔係咪唔係囉...我自己認為係夜總會做既女仔，邊到會做陪飲咁簡單?

但係更令我睇唔過眼既就係d人對周澄帶有色眼鏡...因佢做過夜總會小姐，而覺得佢唔好...又點樣質疑佢既政治理念、人格之類...

講真難聽d講...做雞做鴨做牛做馬係唔係唔比去參選先?我敢講選特首都可以，呢d野有能者居之...Donld曾既光榮時代已經過去，有時d野係要現實少少，我唔覺得Donld佢有為港人諗過真正既需要...但係我亦明白佢要搞得掂中央條氣要順，呢個係一個難題...

我自己咁睇，每個人打工，今日個個都要睇老闆面色做人，就算你點樣同老闆搭哂膊頭，宵夜對酒直落...當老闆一唔喜歡你或者佢心情唔多好既時候，佢有好大機會就搵你出氣祭旗!中央政府同樣，講真堂堂大國，洗唔洗同你特區政府講咁多野?要幹你就幹你，要錫你，你就好乖乖帶老闆上房較定熱水，然後七情上面比老闆好舒服咁過...否則老闆一腳伸你去星馬泰做馬拉雞，咁你就係咁先!

香港...係中央之下，唔好再期望有d咩聲音可以表達!有d野唔係我地唔想做，而係做出黎無結果...

中央政府要搞多次震壓既，佢唔怕人權組織狂插，因為我唔覺得中央有當人權組織出現過...亦都係，中央唔會再怕麻煩出動更多坦克鏟人，中國放唔底兩個字...共產