尋日，我同細佬加阿然跑第一場，咁我地3個就一齊跑創新路，主要都係練返個d時間賽既技術，不過然既表面依然都係令人覺得強差人意...不過都好過之前踩大車佢，個時我會覺得係一個災難時期...

咁尋日同阿然只係完成到1個零8分1到...成績真係嘛嘛!更加係佢比部車嚇一嚇，搞到個人即時爆計爆到係無哂貨，真係係無哂計...

我地兩兄弟之後同阿然以安全速咁樣返去公廁，咁返去個時，阿然其實都已經直衝廁所，佢係覺得超辛苦...太少同太耐冇操車，換來既結果就係咁...我覺得阿然真係要加把勁!

咁阿權到左，我地一齊去科學園避暑，不過呢阿然要去親戚屋企食飯，所以之後都無同我地一齊fing啦!我地同阿權下半場...

我地一齊再fing創新路，咁係創新路我地玩左3個圈，阿權無啦啦cut圈，我都比佢激死...

玩完之後，阿權用佢自己三項鐵人比賽既諗法去分析我同細佬d能力比例同埋弱位，咁佢講得都有d道理既，不過係創新路既情況佢講出黎同我所諗到既有少少出入...

佢講迴旋處我過得有點瑕疵，例如係食得唔夠深個彎，其實呢創新路既迴旋處係有一定既問題，內彎咁多沙...點入得深!有時安全順勢過彎會比較有利...至少我唔會好似我d朋友因為沙而滑胎

出彎佢話我過得太外線，唉!佢眼漏左少少野，其實創新路迴旋處係個特點，行哂整個迴旋處出出彎如果揀內彎(即近中間雙白線)，係無咁快，由於該處路面係谷起，行迴旋處收慢左咁多，仲要用咁多體力去谷起果個位，咁其實係慢左...呢個好多人都唔太理解

我都唔怕講，因為呢個基本上人人都知，行中中地，唔好太左貼石膊，比例大概4:6，3:7我試過，要花好多體力去扯s彎，不過如果大風都無哂計，2:8我都用過，好辛苦，行多左好多冤枉路。

其實阿權分析係唔錯，不過佢發現唔到其中有d好特殊既位，變左個分析角度同我有d出入，甚至同一d超強車手既跑法有d出入，即devil個d跑法，我自己都係參考博士當中有同我玩過既經驗再作分析，加返自己經驗去試試下得出黎!有d位，我真係解釋唔到點解快得咁緊要，只可以咁講知果個位快咪用囉!

阿權亦都有提到迴旋處我有d位無比力踩，呢方面佢有d天真左...如果我比力既有d位會咆踏，其實對行車安全係構成一定影響，有d位我係知幾時咆踏...唔通仲踩咩?仲要既，我係試過比力係迴旋處打滑，個次打滑差d搞到我訓左係條路到..

不過佢既建議我會再調整一下，因為佢提供直路既資料好準確。

咁阿權其後因為佢老豆係咁哦佢...搞到佢要早d返屋企!不過阿權另有兩位朋友過黎踩...個位係柔道小子LULU同埋另外住大埔既OSCAR，呢一晚，都幾好笑...我可以同細佬玩下個d「音速飛行」，咁有一班踩小輪(3架)既哥仔想搞我地，成日係我地頭車阻擾我地，睇落係有d戰味係入面!

好，順水推舟!「音速飛行」開始，我一下子係單車徑以50km/h直爆，賽果係，得我細佬一個以大概46至47km/h後追成功，其他好似LULU同埋OSCAR加埋個3架小輪都比我放哂飛機!之後個3架食過翻尋味，係直隧道又想搞多我地一鑊，好!今次可以再玩激烈一點，61KM/H!今次真我同細佬兩架一齊跑，係隧道底兩架平排去，速度好接近，不過我細佬得53齒既車，無乜後勁最後出隧道就落後了...

呢3條傻友仔，將我同細佬玩到燥底...講真我自己玩dahon個時都唔會玩到咁過分，最多追住個尾...但都唔敢係人地前面左塞右塞...不過今次比d教訓呢3條友，唔好以為自己揸部9千幾既FUJI 09" M1就成日亂挑人機，我相信佢諗都諗唔到我同我細佬係踩得咁快...扯到佢地趴係到...