最近山車堂既熟客繼我之後，到龍哥炒車，之後又到一位我唔係好識既山車朋友仆山聯左6針...今日一位INFINITY既會員Amerigo(丘仔)都炒埋車，呢期黑個墨豆...

咁阿丘今日同我本來去元朗，我今日都係同佢以郊遊既心態去玩，都唔係話點樣快...平均35km/h慢慢出，咁我尋日都用左唔少體力，阿丘又唔係快，咁岩岩好啦!程度接近。

當我去到博愛迴旋處，我聽到有d司機大聲叫我:「喂!你老友係後面炒左呀!」我一諗...阿丘咁係好彩係油站咁黑仔嘛?我一去返油站，阿丘坐左係馬路邊...

開頭睇都覺得佢坐果個位置幾危險，我叫佢行入去行人路躲避，好彩佢都行得到...

咁佢今次就炒得幾金!OGK頭盔因阿丘右邊後擊地尾即時裂左，不過頂野真係強差人意，個D爆口好尖，網狀面支柱係明顯見到爆裂，內膽個D頭qoo還原唔到，甩左個D啪鈕(膠qoo同發泡膠接點)，呢頂係一頂好差既頭盔...OGK既產品令我覺得好失望!對比起GIRO既產品，我同其他朋友都有用，不論係戴ATOMES、SAROS、IONES、ADVENTURE 2，唔會爆裂得咁嚴重...

佢其實個D都係皮肉傷，右邊膊頭、手爭、腹、右邊大脾...咁佢有帶一枝釘耳店個D 75% 酒精消毒，佢唔知死滴左少少，即刻變DANCER...

佢仲夠膽死話原路踩返屋企...我心諗炒成咁仲踩到我話你好野，我個時係大埔都係符碌無咩點傷腳，家陣佢腳係最傷...call車啦!

咁好啦，我call勁達，師傅都好快到...坐住部車，我望返自己踩既路線，原來自己都踩左唔少地方!

返到我自己屋企，我沖完涼再同丘仔貼大膏藥...佢呢次炒車，真係唔野少...有d位都去到內肉層...

搞掂哂之後，我送阿丘落樓，我自己亦要應付阿得既約會，YES!今次我終於約到佢，呢個時刻我等左好耐，即係我內心既心情都形容唔到，大概就好似取得一項榮譽或比賽得獎個種感覺...

咁阿得當我見到面，內心個種莫名其妙既開心係搞到我食鑼絲，佢帶左我去一間韓菜既地方DINNER，價錢老實講...略貴，不過手勢唔錯...

我覺得佢都算係幾體貼既人，同佢電話形容自己或者我感覺到既係幾吻合，唔會「雙面人」...

我拖到佢隻手...佢隻手好得意架!好軟，好淋...