早排我炒車，搞到右邊門牙都撞鬆埋，食野有困難...醫生就同我用一條維也以「一拖一」既方式做定位，即係借左門牙作為支點，右邊門牙就比維也拖實。

我尋日就係朝早去覆診，基本上我隻牙都實得8899，基本上由粥仔食到排骨飯都OK。咁醫生都話復原得唔錯，唔係話仲係條條FING既，可以平穩既合嘴、咬牙、進食...其實已經搞掂哂...不過牙肉就仲需要時間自行復位，因為我受到咁大既撞擊力，咁係會令牙肉出現受傷同埋壞死，現階段就係要比牙肉慢慢生長返，咁隻牙亦都會再實返好多。

咁呢個係我第一個甩難...第二個甩難，係我屋企既問題，正式離婚啦!

離婚呢回事，其實早係3年前已經係咁講架啦，咁我自己就覺得我阿媽同老豆劃清界線係一件好事黎既，咁我其實都係一個受害者，我挨到今時今日21年了，我覺得自己從來都無比呢個家尊重過，我亦都好唔開心，因為老豆只會當我係一個罪魁禍首、責任既負責人、發洩工具...

我既感受係我好想逃出呢個家，我老豆係仇敵，我需要想方法反擊，唔係坐以待斃!

我媽係一個弱女子，佢只會喊同埋唔會兼不反抗。

我細佬係一個唔理事既人，佢唔會理會家庭情況，亦都係佢唔會選擇合群團結，更加係會懶理人地既生死。好簡單，我比我老豆祭旗，我細佬只會躲係房間入面自閉，唔會加入支持自己友，我覺得係好無助，我想對抗，但總係無人支持...

黎緊27號係離婚既大日子，我好高興我媽行岩左呢一步，因為佢比我覺得唔再係低聲下氣既弱者，我既想法亦都係正式得到支持。

古巴領袖哲古華拉因為佢既革命理念得到人民的支持，所以今日佢既革命成功，而我係哲古華拉既支持者，因為我係好唔滿意現況既人，無奈今日我自己一個人既力量實在太細，邊到做到d咩效果，所以我到今日只覺得很沮喪，因為我缺乏的是支持者及協助者。