家陣打工仔既話題不外乎都係最低工資，其實呢樣野我覺得係香港係應該要實行，講真個個打工，但係薪金總係解決唔到生活既需要同埋退休後既生活。

早前新閒經常提及7蚊時薪廁所所長呢個阿伯既工作，我覺得係非常之無人性，試問7蚊可以做到d乜?去便利店買枝水都要3至4蚊，汽水個d更加係貴...8蚊至10蚊。一個鐘既薪金，連買飲品都都要諗過度過，呢間清潔公司老闆係唔係無人性呢?

罪責唔係完全呢間清潔公司，食環署前身係區域市政局同埋市政局...以前我阿婆都係區域市政局做掃街，係等於打政府工，到今日我阿婆仲在生仲係攞緊公務員退休金，即係食長糧。

家陣情況唔同左，好多清潔公司都係由食環署外判，咁d大既清潔公司係投標會上投到，佢地就會用最精明既手法就係「判上判」，盤自己投到，放就放比人地公司做，自己就做包租公收錢...咁就出現一間公司食住另一間公司。

咁被食住上既公司，當然係價低者得既形式既做，變相基層員工份糧就見哂底，正因為咁7蚊既情況就係咁出現。

我自己做保安員，亦都好深體會到低人工既味道，返12個鐘，但係人工都係6千幾7千鬆d，真係有冇搞錯...勞力同人工唔能夠成正比，假期唔多，基本上做餐死...其實好難令人接受，但無計...我呢個年紀係好多人失業!

原因就係話老輩唔退休，因為個社會係人工上無咩保障，隨時唔夠洗唔夠著。另外，薪金好難解決生活開支既問題，物價消費咁貴，邊到有咁多餘錢?第三，社會出現轉形，講既係知識、金融...但係社會上總會有低學歷低技術既人士，變相窮者極窮，富者極富既問題出現左，第二生產係香港將快絕跡，亦都係科技機器化令到人手需要減少...難聽d講，好快人類連耕田要控制收割器材既時間同技術都唔洗，全部都電子化...

最低工資，唔行...香港好快會死...