尋日，係屋企洗車之際，見到一位做開大陸廠方代理既28bike阿rick online wo!咁我之前都有同佢買左套車衫，我細佬亦都有幫襯佢一d零件之類，都覺得佢信譽唔錯!
咁尋日同佢傾下關於隊衫既事，我亦都讚佢個d貨正野!咁講真佢做野真係有d料到，即唔係話好似雞爺佢個d咁...佢個d我覺得係彈性唔係好夠，好老實咁講，做工唔係好得!即係佢個d料係薄料d!
咁好老實講，坊間單車店既正貨Nike衫我領教過，例如2010年armstrong自起家既radioshake，真係好扎實!Columbia highroad htc正板既衫，個色係靚好多!但係雞爺個d仲差好遠!
我自己其實係幾間地方係試過貨，即係著過或者睇過...
咁成績最好暫時都係28bike既阿rick，最平，最少限制，用料好，我買左著黎玩係唔錯!
第二係champ-sys，佢既產品我係買過，係舒服同輕身，此終人地係高科技產品，唔係一般料子(我個次大炒，件衫都唔係爛得好緊要，就係呢間公司既產品)，但係訂隊衫，要網上訂同visa，或者係香港既飛球協助，但個d車衫講緊既係，over500蚊每件架啦起碼，咁邊到頂得順?
第三係香港既EV 頤匯，咁我亦都有去佢既公司同負責人王生傾過下，咁我睇過個d料，其實都唔差既，比我感覺就似一個牌子CTour既產品，過得去啦!但係限制好多，顏色運用比例多少有限，訂單最少量要50套...我地呢d小組織，邊到有咁多人?就算成班兄弟每人兩套都冇50套!(題外話: 訂tee唔錯!)
第四雞爺，我地兩兄弟都有買佢代理個d copy環法衫，至於感覺係點，我都唔想點抬高定踩底，評鑑係一般啦!
希望28 bike既阿rick真係傾得成，咁車隊就真係掂野啦!
|
