尋日，我同細佬加埋阿權一齊去左西貢踩車，本來我地仲有阿四，不過呢!阿四臨場聲稱比佢阿媽攔截唔比佢出，唉!好啦...三劍俠...齊出發。其實事前我本來諗住搵阿優，點知佢有個d宿營玩，到佢細佬朱古力，咁岩撞正要幫屋企睇屋，因為屋企請左鐘點執屋...

阿SAM係我覺得幾莫名其妙既查詢者...西貢長途、長命斜上山同下坡多...講真佢連鹿頸新娘潭路都未上過，咁點樣講去西貢呢?西貢西沙路係車多既程度比大窩西支路還要多，路仲要窄，一個唔小心呢...唉!西沙路好多時都係有單車客出意外。我真係唔放心比一個新手去試呢D高級程度...

開頭一路踩到去馬鞍山，唉!阿權又話咁熱咁曬大美督，講真我自己好唔喜歡「回棋」，講得出呢一日既活動，我就唔會回頭，不過呢...阿權一路踩就出事啦!去到北潭路過左萬宜水庫入口之後既長命斜，佢開始腰骨唔掂...原來佢自己本身就係腰骨有舊患，家陣仲要整親，自己又唔講，又話怕掃興，頂!講左我就唔會怪你既，但係你唔報呢...自己家陣又辛苦又要推車...為咩呢?

好啦，去完黃石，返屋企...我眼見我細佬有點體力下降化同埋阿權腰骨麻麻地...去西貢市中心本來打算休息一下，點知佢地又唔受?唉!佢地西貢市中心唔停站就直接行西沙路...我屌!癡根既咩?家陣就算係比賽都唔洗搵命搏呀?腰骨既野，可大可小，夾硬做火車頭呢?有衰就冇好...

我知道阿權對我有點抱怨...不過我好肯定咁講，骨既野...如果係扭傷或者嚴到有損壞既情況，零可分站休息，唔好比個骨位持續既硬磨，咁經過硬磨去到一個臨界點，就會出現嚴重移位、爆裂之類既問題，而且復原返就有好大機會出現骨刺...到時就麻煩啦!

況且，我非常了解我細佬既體能，佢尋日首次用條刀鈴上咁多山，講真重腳左咁多，消耗體力上係一定既影響...細佬又係唔諗野...講真我開得車隊，呢班人既體力水準去到邊，我點會唔知?我更可以話阿權以前去玩三項鐵人，某程度上係車隊派發既強化身體藥物影響，雖然佢自身我知道有一定既力量同實力，但係藥物影響力比人體一般影響力還大。

有幸...感謝上天都比到阿權可以安全回到馬鞍山...之後係去大埔之制，我地見到阿輝，佢係我嘉盛既客戶，亦係阿權既樓上樓下鄰居...我地一齊去創新路做倉鼠!

之後我地食完個豆漿大王，就同佢玩創新路，不過佢個堆朋友加埋佢自己，都唔係我個皮野...比我預算之中弱，本來我諗住碌下車，不過阿權話想睇下我地既練習同實淺，好...玩下囉!有個java carbon既人兄，用左aero spoke...我見到佢踩得有點吃力....我可以講，佢食得蕉啦!上暗斜...就係我既天下...結果，我踩左幾個圈都係由頭帶到落尾!