近排接二連三既傷亡事故係我身邊出現，例如菲國既挾持事件、我阿婆過左身、我返工地方嘉盛有個6歲既小朋友跌左落街死左，我自己係創新路練車既時候打水戰炒車...我真係覺得壓力爆煲!
咁菲國單野，到今日我都好記得槍手用auto開槍既一幕，咁亦都係睇到果個窗邊既女仔係無哂反應個種感覺，睇報紙話車上有90幾個彈殼，一架巴士入面打90幾槍，基本上真係好恐怖，以我自己係一個軍事迷的知識，彈頭係不同方向飛出，唔好話飛出車外，係巴士入面開點都係有機會折射反彈自己既機會，因為M16用既係5.56口徑NATO子彈，咁其實穿透力咁高既子彈，當遇到比較硬既的物體，係會變形、爆開、反彈...手槍子彈都係有30幾發，咁彈頭只有兩隻係尖彈同鷹爪彈，尖彈同步槍子彈一樣，但鷹爪彈就唔係啦!打中物體，彈頭裂開有如電鑽開門鎖口既鑽頭一樣。
阿婆過左身，我自己一直都唔係好舒服，有點難過!講真阿婆係我成長以來都係對我同細佬或者其他孫都好好...黎緊9月5日同6日進行喪禮儀式，咁我都會係儀式上做HELPER!希望一切都順利啦!
我返工嘉盛嘉明閣有個6歲女性小朋友跌左落街，當日我係嘉明閣當值，其實事後心情都不太好，講真都有上面兩單野既衝擊，我都冇話可說，我諗唔到有咩形容說去表達自己見到呢個事主既媽媽蔡太既感覺，蔡太雖然我唔係成日見，我係嘉明當值既時候見到佢兩母女都好和善，但係經過今次佢個女咁樣既事，我見到失子/女之痛，我見到蔡太發哂茅個種傷痛!
我自己係創新路前日打水戰炒車，唉!我覺得真係人衰行路真係打倒行，呢個月真係黑個墨豆，我好想快d過左呢個月...從來未試過咁難過!
|
