呢排連續係咁落毛毛雨,搞到好多濕氣,濕氣重之如仲要整到有好多問題,例如課室d檯椅濕哂,d窗門一道霧...唉!咩都濕淋淋,睇見都唔開胃

今日,睇報紙又係教育既問題,唉!仲唔開胃!失敗之中既李國章,滿面都係受住各界既責罵,我到現時都唔明白,點解佢仲係度堅持呢?其實我零願佢下台,費事佢再將教育搞到愈來愈差,再係咁香港好快就完蛋,咩人材咩棟樑都比教統局玩死,到時香港退步就賴呢班人,點解小學生d英文搞成咁,教統局lo!佢地出d課程連我地d師兄都搞唔掂,唔係我地既能力差,而係教統局設計d課程太難!

最慘我地呢d無辜既學生,讀到咁難又何苦呢?香港中四課程等於美國既大學一年級,咁早讀咁難攞獎咩?唔會有人因為咁而話你叻,只會話讀咁難好辛苦個wo!攞獎?更係冇可能,你見到有幾個香港人係外國有d咩成就,最叻既咪光纖之父,體育既咪鍾建民,咁其他呢?最多咪係學習時期叻過d鬼仔,但最後咪又係鬼佬攞哂彩,科技又係佢地,金融又係,體育唔洗講香港呢d咁既金融貿易城市,體育只係放係一邊,就算你有幾勁,亞運仲可以既,奧運?你有個優異既成績已經開心到唔洗訓3日3夜啦!

我個人就覺得當初點解會係有考試呢個問題,如果冇考試,其實問題就唔會存在,呢個考試既製作同推行,真係好多謝我地偉大既中國歷史,多謝呢個唐朝歷史!從歷史書中,相傳科舉係唐朝始創,有得考科舉之後,人類既歷史就冇啦啦整個考試,所以人類真係冇野攞黎搞,從此之後,考試就成為左生活既一部份,想冇考試都難!想冇考試?除非你係第二個星球或者第二個空間啦!

香港讀書非常非常辛苦,父母成日因仔女成績唔好鬧d仔女,唉!身為子女既又何嘗唔辛苦,父母以前功課少,學習程度適中,基本上壓力有幾多呢?相反,今時今日教育又話咩全面發展,做功課做到要比錢做功課,功課量多之餘仲要有時抓破頭顱傷腦筋!會考仲死,會考生搞到要跳樓,呢d壓力,係人既都叫苦連天!除非個d書虫書精,日日死讀書,佢地又何嘗唔苦呢?休閒娛樂既活動基本上係少之極少,咁搞法香港學生唔身體差都唔得,壓力大又疲勞,疲勞令學生愈來愈唔想去街,間接性帶出既減壓娛樂就變左係一個顯示器上面,令到近視人多左,連我本人都中埋招,好彩有行山頂住!

今日聽eric sir講,來年既334既人,將會辛苦到無法形容,咩科都有sba(校本評核),咁呢d係咪瘋狂既事呢?好聽d就係唔洗考試,難聽d既咪日日都要sba lo!今日oral或者group discussion,第二日就公開present,分分鐘後日就要買戲睇片做non-print fiction sba report,我老婆仲話334好,通識教育終身受用之類既「美化」說話,唉!過多幾年佢就真係知道咩味道!日日放學留低係學校做sba,有遲放冇早放,輕則30分鐘內完成(oral or group discussion),重則1個鐘(我都未到呢個學習進度!我諗係公開present),到時真係死得!