昨日，我同我既親信阿權去左科學園附近玩車，期間見到有一個身穿tee shirt，三個骨女裝車褲，頭戴黑超...駕駛住一部比較outlet左既cannondale roadbike出車，該cannondale明顯係女裝車...呢位女士，很有趣!

遠看，我同阿權都覺得，呢個小姐既身材非常好，兩個麻甩佬即刻升LV變人狼，眼見係收身不錯而且係見到有線條，唔係講3圍，而係整體既身材好有一動好陽光，有活力既一種...老實講，如果一個很有活力型格喜歡運動既女子以及一個好似周秀娜級數既美女同時作比較，我會選擇活力型...漂亮是剎那(落左妝其實好多時都令人失望)，但健康感覺先至可以留住(至少化唔化妝都咁神彩)...

膚色呈淡啡(蜜糖色)，或者多數時間係運動上吧，但似乎有點矛盾，長期戶外活動就會係炭人，即係李麗珊那種...佢唔係!

近鏡睇一睇，2章尾3章頭到啦個年紀(我同權都是這個想法)，希望唔係估大左啦!

我地同佢平排，佢開始留意我地，帶有一種驚嚇感覺，或者佢少見小輪車可以快得黎同佢玩到...之後我同權以簡單既飛行方式放走左佢...

我諗呢個女士係未有家室，盤骨冇因為曾經懷孕而向外左右伸展...但那後腰的紋身係幾令我吸引著迷，手工不錯，有獨立個人風格，呢個係自信心好強既表現，不過比我地兩個人狼咁樣搞，有點突然。

身材平均健康，相信係有去一d健身中心或者yoga中心食過下夜粥，講真有幾多個香港女性可以有佢既身段?我可以講係冇幾多個得，即係我行到旺中，大堆頭係新之出現既，係所謂既baby fat多，呢個唔係baby fat...肥就係肥，廿多歲仲少女情懷講自己baby fat?我接受唔到囉...另一類係火柴女，即係個d瘦到大風吹得散個d，牙籤手腳...太可怕了...呢個就係MK文化，我對呢類非常無興趣!

講返呢位女士，如果唔係自己條件同年紀差距大，我係覺得呢個對象非常好，我自己心底係覺得一個有活力、活潑、有點喜歡運動、略為有一點懂得打扮而唔係太浮跨既化妝，呢個係我認為好多喜歡運動既男士都好受落...

亦都係，我唔係太喜歡女仔成日化妝，我其實想睇你既真實既一面，唔好經常用包裝去取悅對方，結果對方只會喜歡你既包裝而唔係你，經常化妝對我黎講係壞印象，因為你對自己缺乏信心，一個人係掂唔掂，唔係依賴化妝解決，問心個句你對人好，就算你真係唔靚，其實人地都係會好享受同您一齊既時間...

仲有呢...有時化妝係會有失手之時，敏感起黎，唔該唔好再化妝，真係好肉酸!我見好多街頭既少女，明顯地佢既控油技術真係麻麻地，有幾點暗倉係面，但係佢化妝...唉!我知道你已好聰明地用遮疤膏個d野補鑊，但係呢...暗倉係凸起...你遮咩呢?