我呢個星期已經係大埔的家穩定地住下來，基本上我都覺得好滿意，不過仲有好多問題未處理，依然都係既上網未申請，屋企既家具未足夠，好多野都係擺哂係個廳成個雜價灘咁!

至於一直夢寐以求既天台燒野食...ummm~~~燒烤爐都未買，燒咩呢?

我諗...呢段時間都要挨一陣，唉!無計，買櫃買書台通通都要錢，我都唔知點講好，我未出糧，彈盡糧絕既我，我都好想公司快d出，至少我可以買到部dahon代步車，我唔洗下下都出部tyrell返工，講真賽車成日咁踩，多多都唔掂...

咁另外呢，細佬既公司我終於都找到係邊，幾好ar!個師傅比我第一眼既感覺係好仁慈，即係我係唔會話對呢個師傅產生抗拒感...

尋日同阿權去左科學園，陪下大羅生玩車，都幾好既!我覺得係一個好好既感覺...即係我覺得呢位uncle佢唔會抗拒因為自己既年齡問題，而唔同我呢位後生踩，又唔會放棄親子既機會。

我老豆唔同，佢放假既時候，我只會想起電視或收音機傳出既馬經聲，或者係股票分析員既講野，又或者足球賽事既球評...又或者佢既放假生活就係成日係屋企睇住一d警例、同事比佢既升級試tips、不斷唸唸有詞既背書...細個既時侯佢仲會選擇家庭樂，同我地兩兄弟去老麥飲下可樂食下薯條，仔大左我完全見唔到個共識...

而家我係上水既舊屋，見到零星既家具係屋企，感覺係覺得...呢個家大勢已去...可喜既係我老娘唔洗再做廳長，可以係大埔有返自己既床...我唔洗再被人疲勞轟炸，有自己既睡眠空間，我細佬唔洗再自閉咁係屋企，可以做返自己...