尋日,阿b唔係同我一齊放學,我比佢早返黎,只係我早過佢一班巴士,不過佢比平時異常,平時佢返到屋企多數都係好happy咁!尋日佢返到黎個樣係無咩精神,我問佢你冇野嘛,佢雖然話冇野,但係病貓既樣,肯定係有d問題ga la!

之後佢係梳化坐一陣,再攞探熱針探下自己有冇發燒,結果佢真係有,不過係輕燒,37.4度攝氏,不算太大問題...

之後佢都係照舊做佢既功課,我依舊做緊d學會既工作,我見佢問題不大,所以都冇咩點理會佢!]

我估佢係因為天氣忽冷忽熱,令到佢病左!我同佢平時係14至15度既環境都係著住件t-shirt短褲,可能佢頂唔順忽冷忽熱既天氣,所以病左,呢排d天氣真係好恐怖,3月都仲咁凍,往年我已經同fd去大嶼山游水!同樂行行山仲要覺得好熱,本來上山出發時要著褸,上到山頂可以除剩件打底...

今日睇報紙個時,銅鑼灣死左好多隻白鴒,我就覺得d白鴿係頂唔順d天氣,搞到凍死左係街上...白鴿都凍死,人又點會唔容易病呢?好彩的是,我冇病到!