尋晚，係大概00:15分既時間，嘉盛苑及嘉福邨懷疑係比人掃邨，情況就咁既23點個段時間，我係嘉揚已經見到唔少黑衫的人係條邨入面行緊，我心諗...唔同平時見到個班wo，大鑊啦!比人掃緊邨...

第一時間我就諗...孔仔，你係邊呢?

第二進入左我既外圍時間，我係嘉揚樓上簽緊簿既時候，突然樓下傳出一d打鬥聲...唉!出事啦...

唔怪之得...公雞同個嘉福既人系嘉輝行來行去，邨入面冇人...平時都可能有三兩個邨童係邨入面抽下煙，食下薯條之類...呢一晚，一個人都無...

咁係佢地打鬥之際，我係聽到鐵通聲，更搞笑係聽到炮仗聲，我諗炮仗乜唔係加快差佬黎既速度咩?

呢一年，其實我係覺得條邨打理得算係咁上下，唯一係我知道肥鵬係外邊點著了一點火頭...應該係同華明雍盛個邊有d問題，講真華明同天平係上水粉嶺唔可以睇少既邨，因為我知道呢兩條邨利潤係好大，而家新出仲有清河，不過位處偏遠一點，咁係個競爭力係差一d...最慘係清河無乜路走...散水好慢!

上水有天平、太平、彩園、清河，村大但係利潤唔大，人口老化比較快。新移民未必服本地人，話哂大陸都有湖南幫、福建幫同埋竹聯幫。

粉嶺有華明、欣盛、嘉福嘉盛、景盛、昌盛、華心、雍盛、祥華，講真粉嶺既村多但係細，不過利潤好高，始終每個邨都有店鋪，都有收陀地既機會，而且粉嶺新既邨多，人口老化慢...

北區咁多條邨之中，最無利潤可能係太平，以前太平有百佳既年代，太平係非常複雜，球地可以爆樽，轉個彎曾有砍死人既事件...

算啦...年尾總係多野搞，d老大要交數...