呢排返工都係好累，年尾特別多野做，我係覺得係治安上，上水粉嶺係有少少失控，連續兩晚嘉盛都有開打，之後上水孖8又有起鬨...
尋晚...唔係，應該叫今朝岩岩6點，我係明珠又失更，唉!煩到仆街，又係要作文，又係要報告上級，又要諗下一個自己都唔敢相信既老吹大話...呢d野我真係受夠了
返工好似變得好漫長好難過，愈返愈沮喪，即係個返工氣氛就係，同事愈來愈唔想拼勁，死下死下咁款，由其係果個新同事英叔，真係頂佢個肺，巡樓...連個女同事都快過佢，真係唔死都無用...
失更...換來既代價係返到去大site嘉盛，可能又比人插...唉!我只係覺得呢一行煩就係煩呢樣野，不過我唔知係唔係遇到一個轉機，近日嘉福既街坊達仔打比我，佢就話: 大埔吉之島(即而家既一田，現時裝飾中)請人wo!你有冇興趣?8碼商場盤，8000蚊開價，近你返工呀!
對!呢個真係非常吸引，講真真係好優惠!返工近到無倫，人工算係唔錯，新鴻基盤福利斷估都唔係係差得去邊!
新昌，我做到第二年了，人工加左100蚊再400蚊，由正位轉到大替，其實講真呢個工作既熟客街坊都對我唔錯，係山翠就煩d(有錢就以為自己話哂事)，明珠(基本上都冇咩事)，嘉盛...(好多熟客，但同事就唔係幾好，阿頭還可以)
我諗緊轉唔轉工，始終轉工好多野都係由頭再來過，呢個係一個新環境新識應...
有時我真係做到好燥底，即係一條邨，點解可以有咁多事故發生，客人太多要求...我地點做都唔會有人滿意!
有好工介紹既話，同我講聲...
|
