咁呢日呢，我+阿權+kenny呢到3個infinity成員一齊出車，加埋一個客...就阿星!

其實呢，我係之前打過好多電話，例如石油氣小隊既石仔、enya，同樣住大埔既Lulu、oscar，不過好多都話唔得閒，有野做...都係唔出了...每一次放假，都係聽到呢個答案，其實都幾沮喪，有時想搵返個同道中人，其實真係好難...

題外話，想搵一個真係會玩快車既人，而家愈來愈難，有幸遇到石油氣小隊enya，我先至發現到有d快少少既玩家，例如有石仔、阿chow、阿k、jerff、bmc(Hales)....

umm~落到山車堂，感謝龍哥送了一條紮腳帶，其實呢我自己一直踩dahon返工，褲腳一直都好易zip到餅，感謝龍哥送出這個恩物!

出車!4條友...都好啦!已經係比平時好多，我平時自己都係得一個踩。

入左青山公路，我有一種失控的不自覺快左，我一路以為自己30km/h，點知一望背後...人呢?老遠了!後來阿權同我講返，我先至知自己起腳就40km/h，癡線...

入到元朗，雲鵬對我黎講，真係煩到趴到係到，因為...入雲鵬，真係好煩!自己又唔係入得多，我都差點不記得點去!

咁係雲鵬入面，我見到好多kouta，但我對此絕對沒有興趣，至於我見到argon18，obera，真係我的心水車仔...另外呢，我睇極sram red同埋sram red yellow，我係分唔到佢地實際有咩分別，可唔可以有人話到比我知?

之後出返去，我地就去左黃金海岸，去老麥食雪榚，眼見好多人，由其係情侶...唉!自己身處於3個麻甩佬之間，我想同一個自己喜歡既人一齊，但係...對方唔接受，屁用?

去完黃金海岸，我地慢慢踩返去元朗食飯，聽到阿星好多趣聞，都幾好笑...

好啦!散band了，我自己一個返大埔，凍就真係好凍呀...不過我選擇左爆車返屋企，癡線唷!去完一轉元朗，仲要爆大窩西返屋企，唉!搞咩呢?我真係覺得自己係唔係體力過盛，定係神經失常...