早個日15號，我被公司高層要求我去大埔景雅苑協助，咁該苑其實係出現人手流失，因為同事放假及病假同時出現，導致2棟居屋既盤都要出現借兵既情況。

或者大家都可能會諗，大埔咁多居屋、公屋盤都要借粉嶺既兵力?係呀...雖然大埔既盤真係多，富善、新興花園、運塘邨、景雅...但人地都係有人地既運作，無奈兵力最多既，其實就係粉嶺嘉盛，咁講真...全香港既新昌其下既樓盤，最令人難以接受既就係嘉盛，第一係巡邏量太高(一棟樓有80個巡邏點)、第二客人既要求太多、第三員工士氣出現很多的不滿(經常被無理的投訴想有衝勁都幾難)、第四經理太嚴格(大埔既同事做得輕鬆好多

去到景雅，有少少感覺好似入左去青衣青泰苑，因為個格式真係一樣咁滯...

講下呢個盤，兩棟，居屋，最大粒果個保安室打骰既好似只係SSG2(一柴)，平時返工都係一更最少四個，簡單咁講呢個盤真係好少人...

一棟樓35層，10個單位...當晚打骰既係梁生，但係我見到佢巡35層樓係10分鐘完成?對!呢d咪就有良心既盤囉，嘉盛1個鐘行哂80粒鐘，仲要既係隔層巡既方式進行，咁樣行法真係好攞命...對我呢d後生做就當然easy，但對老人家來說真係好辛苦...所以我依家咁早做呢行都係有一定理由，我唔想老時做呢行，因為到時真係好辛苦，病痛多個人身體差左好多個時，你就會覺得保安唔係咁易做...

佢地小休既方式好得意，30分鐘一次，分兩次MB，咁計落都有1小時MB，都有SO呀...但係嘉盛唔係wo!7小福個時，一晚45分鐘MB，6小將個時，得返30分鐘...呢D咪就係制度既問題囉!大家都係居屋盤，點解同公司都可以相差咁大?我覺得咁樣係唔FAIR架，大家都係逗個7千銀，點解我咁辛苦，你係可以輕鬆過我?

我相信呢個唔係我公司既制度，而係D屎忽經理既內政，講真成日扯到班同事咁行，係我大呀頭先頂得順，我老頂今年係公司服役14年了，但我服左佢係無乜怨...呢D真係好波!

我好開心係呢個盤渡過，因為我覺得真係好開心，即係D客都幾友善，梁生幾好，又肯教野既...

不過我最唔喜歡個保安室，嘩!大玻璃窗呀!做我地呢行好喜歡講蛇王呢樣野，咁撚大個玻璃窗係睇哂成個室，我心諗點蛇王呀...即係你係個室入面攤屍根本係不可能既事!一睇就見到哂...d客見到你係入面咁舒適呢，佢就屌架啦!