呢個星期，岩岩有好多事發生，咁係我單車練習既歷程當中，我完成左1周的訓練，呢個訓練都唔係話簡單，5個圈連續+5個圈分散續個來，6日我練哂!無可否認，呢個練習相信好多一般既香港玩家都覺得辛苦，因為呢個programme始終係供應比賽前練習用，亦都係希望各位單車界人士真係唔好亂試，呢個programme都算係小辣，不過係每天小辣而變成大辣，第一踩完係可能覺得無咩事呀...咁你就大鑊啦!第二都係無咩大感覺，係辛苦少少，到第四日先至係真正既開始!

奇怪既係，我的會員KENNY亦有興趣加入同參與，唔係比賽但又試呢D Programme，唔係話唔好既...只不過以佢暫時既體能，佢玩左3日已經放乾電池...唉!唔係好事...以佢平時參與校內的運動會，而佢既獎項係幾易上手，即係表示校內運動氣氛係有，但係唔及其他學校高漲，亦都係訓練水平唔及其他學校高，粉嶺馬錦明學校一直係北區既掃獎程度係弱，暫時龍頭都仲係心誠(球項、越野)、喇沙(徑項、田項)、救恩(水項)、李家誠(排球)、陳朱(球項)、禮賢(球項...就快完蛋，甲組都畢哂業)、鳳溪(徑項20多年都係無變係咁勁，足球...好多都入左區隊)

咁我總算挨過左訓練，亦都係我既教練阿權係我第六日最後一個圈出手玩下，佢即席表演左一場可能大家都認為灣岸遊戲中先發生到既事，zip貨櫃!當然唔係真既5.5頓車(真既5.5佢死左9世)，我做左佢既貨櫃，係創新路鐵橋位返迴旋處既斜路偏右，即係石膊牆，我只係留返半米都唔夠既位置同條石膊，佢即刻比油大力扯上，我個一刻啞左...原來唔夠半米既位置，都可以做zip貨櫃!而且速度係可以有45km/h以上，我比佢zip既時間係6秒，之後佢就飛走了...頂~人黎架?

另外，今日同阿竇去睇海猿，唔錯!個故事一如己往，乜野大件事...救人...大難不死必有後福既ENDING，但係今次加多左喊位，例如仙崎大輔佢送佢老婆當中既禮物，呢個真係幾Touching!

海猿令我好深體會到日本既災難性，即係地震送海嘯，海嘯完左仲有核危機，仲要有餘震...我唔知呢d係唔係天理巡環，當年日本入侵華，南京殺害左幾多華人，其實仲有呂順...今日大家可能未諗到，點解電視台無東華、保良局、仁濟之類既慈善show...或者呢d都係天意!

講下內心世界同埋感情事，最近我又係電話遇上阿塋...大家都可能會諗，喂!呢個女子已經唔係第一次係你呢個blog出現，亦都係佢既前方同紀錄都係麻麻地，你仲打算砍個頭去?

好老實講，我到目前都仲係15 16，因為我都係到諗緊對方搵返我究竟有咩目的?但大家都可以排除一些可能性，第一:對方唔係因為失戀或者比仔飛，想找個人zip時間做停機砰...第二: 不是缺錢要吸金(講真我都係窮蛋，何以見得我有錢?)第三: 唔係偷跳..

我最唔明白既係，佢無啦啦搵我，唔係咩大事件，又唔係咩節日突別有個感情既feel，何況我同佢都隔左成年多無見，咁佢想點呢?感覺怪怪，但又要硬住頭皮應付，真係教人不知所措...