最近我返工都好悶，原因係樓下既邨童愈來愈少蒲頭，即係少左好多同我接近年齡既人士，大家可以吹下水食下煙之類...
最近我係最估唔到見到嘉福入面既矮佬，呢個人曾經都同嘉福主要帶頭既孔仔同一齊玩同埋係條邨也文也武個堆，不過最近孔仔岩岩出返黎，原來矮佬都係一樣，我冇太深入既問對方發生咩事，點解入左去坐之類，不過我見到佢同孔仔有一個好大差距，原來有一樣野就係回是岸。

個差距係邊?孔仔依然係條邨做「打骰」，不過我唔知佢打咩骰，對上一次12月幾，對方10幾20人入邨追打，本邨的人只有數名，擺到明人多蝦人少!但孔仔係邊，我完全係當晚係見唔到，比人殺人邨，有自己人被追打，唉!真係有點這兒那個...

矮佬或者一早看清呢一點，亦都係覺得孔仔係自己邨既領導係受到質疑，加上佢自己都入左去坐，咁我覺得佢出返黎係個人清楚自己要做D咩!例如好似而家咁，佢係做茶餐廳既廚房靚仔，修心養性!都係一件好事，唔係再係樓下涼亭堡壘個D係到打墩

孔仔出返黎，明顯比以前瘦，我更有同事聲稱佢地係後梯上電，據知好似係益力多樽入一D野用飲管索既，同行既亦有阿BEE肥東，孔仔成身愈來愈多紋身，唉!都唔知佢搞咩，講真死守係呢條邨，有屁用咩?根本無肉食...