前日，我上PPS睇電影PTU之警例，即係任達華那些PTU系列，當然睇完亦有一番感受，我覺得警察比我做保安辛苦，但係工作上得到既保障同福利，永遠都係我地呢兩個行業最令人質疑同關注...
電影中提及到警察投訴科，唉!我公司亦都有新昌投訴熱線，大家都係有同樣既情況:
1. 電影中提及警員在工時調查可疑人士時打市民，係一種犯警例既情況，投訴科會介入同根進，情況係成班大SIR坐埋一齊傾是否要出警告定係炒魷魚。新昌既情況係，接到客戶投訴，其實都無咩點由班公司高層傾該員工係咪有犯規，多數都係客戶以哦傳哦到投訴部或者係D邨經理，D經理就會打比你，同你傾係咪有呢個情況，不過作為員工，又點會同老大頂到行話無呢?低聲下氣少少硬食哽左佢，為既都係保障自己個飯碗...
我既感受係: 投訴部、經理、IC柴頭之類，你鍾意點玩就點，我做細既都吹你地唔脹，因為根本高層唔會點關心前線，即係我地無柴無花既卒仔，有投訴就直接聯絡同你傾，老實講保安同警察比人蝦，比人粗口問候，警察投訴科會CHECK警員發生咩事，點解會比人媽叉，新昌唔係!比人媽叉而你反駁既話，第一係炒魷，第二係SEND你去無雷公既盤...我唔服，點解明珠華軒夜更阿麥會受到咁既屈辱!
2. 工作時總有想休息一下既時間...警察可能會借一D靜少少，無咁多人留意既地方，根進返少少筆記，又或者坐下來，飲D水休息一下...但係市民用手機拍下既，可能會變成A1頭條「警察蛇王訓教」「警察天台大食會」之類...真係有冇搞錯?我地保安情況差唔多，12小時工作，難免真係好累好多野做，坐坐下真係訓著都唔知...客人只會認為你訓教就係錯，就係唔岩...又投訴你!
我既感受: 太無人性，我唔相信每個人返工時唔吞撲走精面，辦工室既會係個廁所大力抽煙話肚仔唔舒服去耐左，D婆娘係個茶水間講人事講是非老作，飲食行業唔會有係個貨倉3點3?你屌得人你要過得自己良心個關，係!比管理費交稅出糧比警察係市民同客戶既責任，但係人係唔超人，體恤人都會流汗，都會有累既時候，我地服務不佳或者會SAY SORRY，但真係比多D空間我地，我地長時間工作真係吃力。
3. 電影亦提到債務問題，警員如果有債務問題，係可以上報，由福利部救助你，但係上報會受到被調查或者調職，有可能太嚴重既，係炒魷魚...新昌入面我未聽話有呢一樣既協助，睇黎返返下工債主臨門比人砍死既機會都幾大...
我既感受: 上報自己有債務問題係死硬，所以大多數喜歡賭下馬玩下波仔既警員賭大左冇錢開飯都唔敢講!結果自己未交槍就係一角鑽牛角尖，因為無人救到自己之下跳樓、自轟之類既情況，新聞都唔係第一次有...我公司係無呢一方面既支援，某保安公司有員工開左天台ALARM門之後一下跳樓亦唔係第一次出新聞，人工唔多既呢行，有債務問題亦都唔出奇...真係有苦自己知!雖然28蚊看似救到我地呢行，但係物價咪又係一路上升?有救=無救過，仲衰左!
希望大家對警察同保安真係關心一D，警察比人叫龜，保安比人叫門口狗，真慘比人當動物既看待!睇真D呢行，冇呢個行業，你屋企會唔會變伊拉克?
|
