尋日統測之後,心情有好有唔好,好既係統測完左,我好開心!不過唔開心既地方係,我d試卷既成績唔理想,例如maths,accounting呢兩科...

maths,呢科對我來說真係毫無希望,我真係天生好怕數字,例如係超市見到d價錢已經係好怕!我係今次maths既卷入面,我有大量題目冇做,呢d都係例行出現既問題,不過我唔開心既係,我依然打破唔到呢個大把數唔識既問題,我係小學已經係咁,中學更不說!

econ,呢科對於好多人都係一個難題,我亦同樣!不過今次有所改善,我識做既題目多左,我唔知出卷個個老師係咪出得易左,不過對我來說依然都係好難,但總好過難到答唔出,識答點都好過唔識答!有分始終好過冇分!至少唔合格都冇咁難看...

accounting,唉!呢科都唔知搞咩,做part1 trading and profit and loss a/c同bal sheet兩個a/c都係算順,不過唔知點解埋唔到個數,有d出入!不過我多數做功課就可以埋到,出到黎考試就死哂,之後做到個d disposal同埋provision 個d,做得好慢,最後第5part完全唔知佢做d咩!唉!呢科死硬!

oral,搞笑地我個team出現1王3后既局面,我個d有我個班細細粒既阿嵐,之後加兩個唔識既隔離班既人,男仔單挑肯定冇咁著數,女既肯定冇咁益我,肯定比左d女仔圍內玩左先,尋日既形勢都算唔錯,idea比到出黎,d女同學都總算明白,你知la!唔係個個人英文都咁叻,我只係比其他人好多少少,不過尋日佢地d tenst 同gramma都有d問題,不過唔緊要,最緊要佢地肯講,佢地唔講,我都好難有機會發揮,隨時齋坐個時就好有機會fail

總括而言,今次統測不太理想...