今日一放學,我就立即走出校門,往沙田出發,因為今日約左阿芹!去到學校出面,冇意中比我見到祖領同埋阿銓,佢地兩個傻乎乎咁係我後面,一黑一白,一高一矮,的確係幾似人地個d「黑白無常」...搭車個時,冇意中比我見到肥ling,肥ling一味掛住send message,我就廢事左住佢啦!返學已經怨家路窄既何家希,今日居然係同一卡火車見到佢,真係好想講個頂字,不過我好「包容」呢d咁既人既,cheap既人冇法子唔要好好包容同耐性,事關今日佢居然學人做「神探」,跟蹤小弟仲要左閃右閃,荒死人地睇你唔到...簡單黎講,邊有人玩跟蹤玩成咁「屎」真係第一次見,不過佢的確幾有少少潛質做狗仔隊,講真呢隻何家希又真係幾有耐性!
到左沙田火車站,出左閘,何家希呢條傻仔就自行單打玩進行跟蹤行動,佢係車站扮等人,唔洗五分鐘就穿幫啦!以佢既人,有狗仔隊天份,卻無演戲既才華,好心佢玩跟蹤就唔好咁明啦!心智未成熟就真係心智未成熟,好!我就同佢玩下沙田一日遊,反正大家時間多的事,你肯陪我行,好過請件保鏢看門口,反正佢又高頭大馬,okay wo!我首先去到火車站個邊既7-11買左枝甘吉檸檬,佢就係既門口望下望,睇落佢個樣又幾似丁常旺搵阿媽個傻樣,的確又幾有趣味!
我趁阿芹未黎咁咪行一陣商場先,何生就好似跟尾狗咁,我行邊,佢又跟住哂,原來d旺才真係好靈性!人行東,佢從冇行西...忠心到不得了!我搭電梯上樓上,佢又乖乖地head住!唔怕走失訓練都節省,好過我阿婆屋企個d死蠢狗!之後我入左皇家,佢就乖乖地係門口,我係皇家入面睇到d products,我覺得最好都係個d addias同埋nike襪,可惜d避震能力應真麻麻,最後我都係對d襪完全冇興趣,講真真係太貴啦!我去香港攀山訓練中心買對groetex襪都抵過佢!我從皇家出返黎,佢又扮若無其事,仲要扮煲電話粥,死蠢!響左比我聽到真係好笑到爆!過一陣我再入第二間野,行山名店columbia,何家希又係店外守門口,真係乖,下次獎一萬噸狗糧比你!呢期columbia 既夏裝d用色真係麻麻,用料就多左groetex,算columbia醒目啦!再唔做多d groetex落對鞋,對腳唔臭死就出奇...
之後我就玩下搭笠,佢又跟埋黎,何家希,我都知你好玩,本來同你玩多陣,但你又要係度玩笠,搞到我連笠都冇心情搭,我按往上,你隻死蠢又往下,搞到又要行路係咪衰呢?下次唔好咁傻仔啦!我都唔想爆你今日d瘀野,但我d中五fd會考壓力大,想輕鬆下,咪打你d瘀野落黎比佢地輕鬆一下lo,我知你要面,我都比足面唔打電話或者用人傳人方式唱行哂全校都知,你嬲ar?咬我ar?我最多去北區醫院打返7枝瘋狗針,你ar?等人導滅啦!我連漁護署都懶得叫,一棍打死你都比面你,我諗你真想玩到做個隻「冬瓜」仔,砍哂手手腳腳...
我向來都鍾意煮野食,去左citysuper,行citysuper點都覺得好過行八百伴或吉之島,的確以前citysuper個位係八百伴,不過始終citysuper好dd...正當何家希係門口出面自閉玩電話個時無意中搵到d類似日清美味寶既日本麵,有喬麥麵、烏東,連拉麵都有,真係吹citysuper唔脹...呢d野攞去露營食就正lo,節省超多時間...我睇完麵,何家希都係好有耐性咁等...
行到咁上下,我諗下諗下,不如睇下旅行社,頂!你隻蠢野何家希,跟Q住哂,搞到我連睇旅行社都睇得唔過引,不過算你醒返次,帶我睇到馬來西亞浮羅交怡個團費,2499起,抵到爛!不過暑假去又另一回事,貴得多!就算去浮羅交怡,都係等自己出黎返工先,今年暑假雞翼又返黎,同佢係香港打機好過啦!
之後阿芹打比我話轉地方,講真我都覺沙田冇咩野睇,佢就話想去個d漫畫鋪頭睇野,咁我既直覺就諗,睇漫畫當然係去旺角ga la!沙田睇唔到幾多...咁既然同何家希玩左咁耐,做人就唔好得寸進尺,「凡事太盡,緣份誓必早盡」呢個道理我早就明白,所以再走返過去火車站搭火車走...臨走之前,何家希送到我地閘口,本來仲諗住帶佢出旺角行街,唉!不過廢事啦!人地跟左咁耐,仲咁好腳骨力同我就圍行,不過衰在個頭囉,好衰唔衰衰在個頭,禿既...人地最快都要30幾歲先至咁,佢就未老先衰!唉!18歲都未夠就搞成咁...
去到旺角新之城,真係好遺憾我係著住校服,所以入唔到game zone打機,可惜!係新之城等緊阿芹之際,突然有個女仔衰偷野,仲比便衣差佬斷正,相又影埋!即係冇得走啦!佢偷既居然係一隻公仔,我都明白女仔好鍾意得意既公仔,不過因為一隻公仔而偷野就真係第一次見,個女仔比個便衣差婆壓左埋場,之後攞左個手銬lock住佢!差婆果然係差婆,夠力水仲要夠惡,佢一大聲鬧個偷野妹,成個新之城都望住佢地兩個...
等左一段時間,足之可以見到阿芹,唉!差不多成兩個星期冇見佢...同佢行左一陣旺角,佢完全係應唔到路,方向感不佳!中途行過去攀山個時,冇意中比我見到阿展,阿展係我最鍾意同佢玩既學校助教,佢今日應該係放假所以咁早出到黎旺角,佢都係去攀山買野!我去到攀山個時,d新products都係冇咩點變,我係新鋪個邊睇,我睇到個d爐d形狀怪都七彩,有d我直頭諗唔到點樣用...
最後,我都覺得最精彩部份都係同何家希係沙田咁樣玩,佢條傻仔,同佢玩足一個鐘頭,佢都完全唔覺自己比人玩,唉!邊有人單純到佢咁既死樣ga?比著我玩20分鐘都覺得悶啦!其實真係好想係老麥搵杯野淋下佢,milkshike又好茄汁又好,唔知佢會點呢?死蠢先至會係咁比人帶去遊花園,帶完之後仲要冇咩得著,白行了一個鐘頭!如果比人跟蹤我唔係未試過,小學個時d fd係度玩跟蹤,最後比我推左落個花譜到,成個屁股都係泥,笑死人...
|
