阿仔佢老豆同一位好友ken叔開左間餐廳係聯和墟,名叫家家樂!我同好多朋友都有幫襯過...入面d野食都ok既!合夥好處係資金係比自己獨資多,但係合夥好可能會出現意見不一致,以至產生不和...

咁今日阿仔搵我,佢話冇煙食,咁我有咪同佢分享下lo...一路食緊煙個時,嘉怡又落左黎,大家一齊吹下水,咁就無意中講起返工既事,有時我都覺得名仔應該去返工好過去返學,返學唔係唔好,而係根本佢都咩心機去讀,連會考都冇心機去理,唔考會考係有少少浪費,但佢咁搞法都唔荒有幾多分,有1分可能係奇蹟...

咁佢呢排返工,返kfc,都好既,好過做老麥,成為「麥當的奴隸」,我就冇意問起佢,讀完中五佢打算點,咁佢話如果唔想做kfc既,可能會去做下壽司學徒...壽司學徒都有出路既,唔做元綠或元氣,可以去個d蚊型少少既日本料理店做下,例如築地或者大眾,又或者好似大間同高檔少少既,好似「別府」個類型都唔錯!

咁之後我再問佢,咁如果不幸地個d什麼壽司店唔請,咁點算呢?阿仔就話去家家樂做lo,同老豆一齊父子兵lo!聽落都幾有道理...無意中佢講起家家樂既ken叔,呢位ken叔都同阿仔佢老豆加阿媽不和,就係因為一個自己人黎食野!講真如果有朋友黎食野,一般既店舖都會請既,就算要計錢既都係會平少少...但我去到家家樂,真係冇呢d咁既好野!阿仔就話呢d都係ken叔所賜,佢居然不論熟人朋友親屬同事,都會係「一視同仁」,全部收足全價!

我一聽到呢個咁既事實,我就覺得呢個ken叔唔係好識做生意,比著係我,如果熟人或朋友黎自己既鋪頭幫襯,我會計平d或者係free比佢地,咁話哂自己人,當然優惠下啦!

有時做生意唔好睇利益既問題,而係要諗下點樣可以令客源增加,坦白講家家樂客源其實並不是太好,可能連佢地d親友都覺得自己人都冇優惠,咁食落都冇咩意思,以致店舖客源麻麻地!而且現時仲係正值暑假,所以食飯既只係得一班上班一族,或者個d一家人黎食飯個d,其餘時間真係差d!咁我當然係會幫襯佢地啦,事關uncle d手勢非常正!而且阿仔係我個契仔,咁當然支持佢啦!