上個chapter提到,阿強同小明一齊跟左輝輝去左新開張既車房!

當輝輝展示佢架岩岩改好既車,阿強就見到車尾既尾翼,非常好奇!之後就問:「加呢d野大約幾多錢ar?」輝就話:「睇下你買幾靚姐...有d人就買仿製品,當然造價既價錢平d啦!但係唔實際,因為d料唔好...」阿強就問:「車既改裝野都有真野同老翻貨咩?」輝回答:「唉!有人就鍾意型,但又要平,咁咪會要呢d野lo!我就真係唔會要啦!」事實上香港有d車主既改裝係假野...

小明一味同車房入面隻阿旺(小唐狗)玩!

之後,車房員工軍佬就話:「輝哥!你架車搞掂啦!」輝:「識做既就同佢打埋蠟!」軍佬:「ok!冇問題!」輝再話:「都係唔打住,我想出去跑返轉!幫我放架車出黎!」軍佬就好認真咁講:「你唔好炒ar!個次同你改好哂架車,你就炒到連個「計」飛埋...」輝就講笑:「呀!今年d花紅好似冇你份wo?」軍佬帶點玩野話:「玩野ar?信唔信我去石崗攞架坦克車出黎呢?」輝輝同阿強都o哂嘴...

事實上軍佬其實係一位退役解放軍,做戰車修理工兵,除左識揸軍車外,坦克車導彈車都冇問題!之後3年前係國內單程證落左黎,近期就係輝輝既車房打工!

係呢個下午,輝輝就揸左佢架愛車,同時載住阿強去一齊出左去玩下,小明就留返係鋪頭玩阿旺...係錦田公路上,阿強打開車既窗,欣賞一路上既風景,口中叼著一根煙!無意中,阿強見到輝輝車頭夾住一張輝輝同佢哥哥大輝既相,阿強就問:「輝,唔見你大輝哥既,好想同佢打下籃球tim...」(大輝係中學時經常同阿強係學校打波!)輝輝就回應:「我諗你要失望啦!」阿強帶住出奇既心態問:「下?點解既?」阿輝答:「唉!生於車,死於車!一年前,係屯門公路同人鬥車,咁就炒瓜左...我間車房都係佢d鬥車獎金加遺產再加自己d私幾搞出黎」阿強:「下?咁快就...輝輝!唔好意思,提起d傷心野!」輝:「咁又唔係話傷心既,應該係話我阿哥自己攞黎衰,明知唔夠勁人玩,仲要去同人地鬥!鬥鬥下鬥連自己命仔都鬥鬼埋,個時我都叫佢唔好去比賽,唉!」

之後車上一片寂靜,阿強回想起同大輝打波既日子,感到慨嘆!輝輝之後就話:「咪咁down啦!不如show下架車d改裝,過下隱啦!」阿輝大力一踩油門,引擎聲雄雄作響,尾喉響聲驚醒左公路上的鴉雀!80km/h既速度激升170km/h,180,190...更升至280km/h!速度令秋天既落葉「活起來」!後來,阿強提出有冇得再快d,輝輝當然冇問題啦!

當fairlady z開至280km/h,輝輝按下賽車電腦的N2o system(氮氣加速系統),車迅速升至320km/h,阿強手中煙仔,居然被320km/h既風一秒間吹熄左!而且行車時更出現「weewee」聲,阿強大驚!更大呼:「輝!好爽ar!」

輝輝玩左N2o只有3秒,就唔玩啦!阿強問:「唔玩耐d既?」輝輝就話:「新車唔好亂谷,3秒好啦!但N2o多過15秒會爆炸ga!我只做到15秒,因為改裝技術有限!我阿哥當時雖然做到20秒,但係代價咪出事lo!」

到左錦上路(即折返路段),車入面既雷達(即反偵查車速器)突然閃起,後面既警車警號忽響起!阿強就話:「輝輝,點算好?停埋一邊還是大放差佬!」輝就話:「放佢咪放佢lo,佢鍾意同我挑車既時候,咪挑lo!」阿強:「你搞得掂嘛?」輝:「掂硬!個d咁既benz車好慢,等我反轉左車牌先,令佢地見唔到我個車牌!」強:「咁快d啦!佢地後追緊ar!」

車牌反好左,輝輝再一踩油門,fairlady z又重新加速,阿強從左邊車倒後鏡看到警車已經開始追車!警車係呢個時候增援,call左3架鐵馬(警電單車)!輝輝就話:「強,坐好啦!我地同班差佬講byebye!」阿強就話:「好!玩埋N2O加320km/h仲好,睇下班傻差佬點追!」10秒後,警車既警號同閃燈,都隨速度而流逝...阿強同輝輝大叫:「byebye啦傻仔!」之後大「焚」hi-fi,大播灣岸game歌,懷住開心既心情返回車房!

to be continue...