| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2006 年 10 月 8 日 星期日  |
| 如何渡過一個更有意義既中秋節? |
分類: 未分類 |
每年既中秋節,大家都係不外乎「玩月餅食燈籠」,其實會唔會覺得悶呢?
我今年中秋,就好多時間都冇同屋企人過,因為我走左去行夜山,近排我鍾意左玩行夜山,可能係因為覺得夜山唔會天氣好熱,有探險feel...
我係星期五夜晚行,咁星期五既禮記都係要返學,原來有d學校都有假放,咁可能係基督教學校啦!所以唔係太主重中式節日,咁當日放學個時,有老師做馬騮戲,即「詩王」,我就覺得呢d活動唔係唔好,而係我唔係太鍾意呢d活動,笑下就唔錯既,可以睇下d老師既白癡既一面!
係1630,我同誠晉哥就唔睇「詩王」,諗住提早比時間自己去pack野,因為我要夜行!
呢個夜行,其實係我教會搞既,消防員哥哥帶領,咁佢d體能真係fit到爆,因為佢夜行之後,仲要返消防局on duty!
咁夜晚個時,我地一家三個去左我阿麻屋企食飯,咁d行山野當然跟埋上黎啦!咁我就背負既野係30磅,誠晉哥係25磅!一返到去,嚇親我d親戚,佢地都估唔到我地d體能係好到咁!
咁我之後同我表哥一齊去左打灣岸,我都估唔到自己可以ko佢!玩山路,我架車甩尾一放,我表哥架車就一撞,咁就一粒星了!
之後我同細佬走左去大圍會合消防員,咁消防員未到,我同誠晉哥就見到教會d人,咁佢地就話:「嘩!你今晚諗住過埋夜ar?」之後我就話:「睇下有冇機會lo!」
咩住露營gear,對住一隊唔係好勁既教會弟兄姊妹,當然就覺得佢地好夠薑!明知消防員玩d野都唔會舒服,但都堅持出席,當然好野啦!咁我30磅,佢地可能只係幾磅,但我並冇因為gear重而行得慢,我反而仲比佢地快!
隨後係山上師妹慧欣佢就一直拉住我,我就覺得幾好笑,因為係樂行既時候,好少會員什至朋友係會拉住我黎行,當然我細佬直頭係懶理我啦!佢自己都可以搞掂!!如果係自己女朋友拉住自己,咁會唔會係一個「中秋禮物」呢?
惠欣,佢經常拉住我,佢仲話:「你行得好快ar!你個d係咩力黎ga!」咁我就話:「呢d係鍛鍊,力可能係天生既有咁既力」,咁佢拉住我行,個感覺好似自己細個時拖住細佬過馬路,事實上我都覺得慧欣幾得意!
咁係山上面基本上都係任頭帶到落尾,係後尾個時我因為要睇住慧欣,因為佢係好累,隨時支持唔住,所以就要睇一睇佢!
教會d人,除左消防員外其實冇一個係勁人,我係諗唔到咩住30磅都可快過佢地!
咁係第二朝,我0830回到家中,我同細佬都覺得好眼訓,此終成晚冇訓,真係辛苦!之後我地就訓返幾個鐘頭,之後又要迎接夜晚既活動,就係煲下蠟!
我同steven加佢細佬仲有好多排球隊既人一齊係我屋企樓下玩火,當然仲有係到玩煙啦!我唔係話食個d,而係玩火個d煙,我地齊齊將d煙整入去個公園仔,d人就話:「咁大煙既?」
呢個中秋真係好好玩!
|
|
