| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2006 年 10 月 9 日 星期一  |
| 好眼訓... |
分類: 未分類 |
今日係星期一,亦都係我最唔想返學既時間!咁呢個瘋狂既星期六加星期日,可能係我累既原因,所以今日我返學個時,都係處於冇精打彩既身體返學!
咁今日我上世史堂個時,我係直頭訓著左,好彩德貞姐叫醒我,佢冇怪我!之後落左堂,真係好辛苦地攞住我細佬本手冊,因佢留底左係我到,上去個時真係腳步好浮,我行山都未試過咁!
之後見到應霞,就同佢一齊去吸印仔,因為星期五上pe堂又跑左兩個圈,足之去到108個圈,原來聽基sir講,有人已經over200!我就諗我只係一個銅獎,咁咪好小兒科?
今日都冇搵青蛙或者藍莓,其實我都冇心機理佢地,一黎自己好眼訓啦!二來係佢地成日見面都唔係好理我,唉!懶理,訓飽d好過!
之後今日5同6lesson都係有test,但我都係冇溫過,數學好彩就唔係好難!中文更加係簡單,不過就唔知答得好唔好,向來我中文係欠佳,基本上就好易唔合格!希望可以打破彊局啦!
咁放學個時,我就要搵黃老吉(佢教中文掂,又姓黃,咁黃老吉涼茶飲品有益,同佢冇分別),冇意中見到阿善阿芬幾個女仔,向來我好少同我個班d人打招呼,無意中阿芬同我hi,我都好驚訝?以前佢唔係幾討好我,今次佢同我hi,真係唔知點!咁我只係hi返佢...
咁我後來見到黃老吉,咁就同佢一齊解決我本亂到七彩既習作,我本來諗住佢會勁罵我,但估唔到佢冇罵我!仲叫我速速完成交比佢便可!我星期五本來係要見佢,但我爽左佢,鬼咩!我要行夜山...我都要趕住閃,咁係支持下d老師,至睇左20分鐘詩王!
唉!好眼訓...訓下先
|
|
