今日係一個幾好既天氣,真係好適合運動,咁我今日去完教會,之後就去左睇臭軒打學界,今日係男乙排球,粉嶺禮賢會vs上水喇沙,如果呢度有上水喇沙既讀者!恕我直言,喇沙真係「魚腩」,開波經常送分out,欠teamwork,出現人撞人現象!

最可笑既係,我睇到喇沙開場前練開波,我就覺得佢地係開得還可以,但係一上場,唉!out,又或者唔過網...

3局2勝,禮記大比數勝出,喇沙只係感慨...「魚腩」,對於我呢個排球界既局外人,我只覺得佢地開波係得,只係打得欠技術,唔係我講得太負面,而係呢個係事實!

咁之後我去左北區運動場跑圈,目標係10公里,咁跑個時,我就睇到好多人生百態,例如一家四口好快樂咁跑,一對老伴,一d花盡氣力而冇速度既跑手,仲有一d上一屆既渣打馬拉松跑手!

上水既跑得之人真係唔多,以成人為計,個d阿叔真係好慢,後生d既,唔係慢而係跑姿唔得,唉!唔怪之得有人練馬拉松跑傷左對腳啦!跑姿唔好,等於錯誤使用機器,正如揸車先撞車,工廠買機器先比機器整死...又唔曉個人護理,跑完唔拉根直接走,想唔腳都難啦!

56m14s呢個時間我唔知好唔好,但一個鐘都唔洗,係一件幾開心既事!馬拉松要平均1km/5mins,我就要平均5至6分鐘,算係咁!