定日就比賽,緊張都係有少少既,不過我自己知道自己既訓練係夠用既時候,我就諗我可以的!

咁今日係北區運動場跑,凍凍地之餘仲要有d寒風,都咪話唔凍!咁細佬就今日跟埋我跑,當然我都想知我細佬搞咩!今日佢完全追唔到,我同佢做速度訓練,我用1km/5mins速度,佢完全chase唔到,比我大放50米!

最後我都係就返佢,唉!細佬係有衝勁,但係缺乏耐力,可能同佢平時少練習有關,呢d野要積少成多,唔係話一天就可以登上高峰,訓練係一定要做,因為佢都想自已跑得好d!

咁今日跑完個時,冇意中見到一位李志達既訓導主任莫sir!咁我見到佢拖住個仔係運動場跑步,充分表現出莫sir既父愛,我知道佢以前好嚴,佢會好惡咁罵我地,相反地今日見到既莫sir!同我所想的完全不一樣!我同佢打左個招呼!佢就笑一笑...

回想起小學,我真係好耐冇返過去!跑步個時睇見學校依舊都係雪白,就諗起小學時自己童真既單純,學校依舊仲有紫色既正面,夾著天冬既青色,好靚!真係好想返小學睇下!