呢三日,我冇係一般既大街大市去渡過我既聖誕,因為我係經歷一個可能人生一世都未必會玩一次既事,就係行麥理浩徑,麥徑好長,有100公里,本來我地打算行哂整條徑,但由於我地時間不足,因為我地只係有3日時間,如果我地將麥徑行既時間定位四日,咁就可能行哂,行唔行得哂唔係最重要,最重要係係行程上對麥徑有認識,例如學識可謂群體生活同埋團體精神,雖然我地只係得個小小三位青年,但係關係要好,而且非常合拍....我同誠晉哥同埋張國維,三個一齊玩
係第一日,我地由北潭涌呢個大熱門起點出發,起步時當然開心啦!話哂係一個好既開始,不過都唔算太好,我地帶左一個黑色既袋本來係放哂d野食入去,但係問題就出現左,係出發搭緊火車個時,我就發現攞住個袋係開始穿緊,咁就大煲粥啦!最後我地將一個大既袋換成幾個惠康袋分開哂d食物,一來可以令其重量可以互相分擔..
分擔就完成左,之後我地就搭左一大輪巴士,講真搭巴士個下真係幾悶,冇咩靚境睇之餘,又要同人地迫巴士...到左起點,我地當然開心啦!我地仲係呢個時間影左幅合照,之後二話不說就行左啦!
我地係2個幾小時就完成左麥徑第一段,我地之後係浪茄營地煲野食,講真浪茄不論係近睇遠睇都係咁靚,我地一路煲野食,一路欣賞住浪茄對出既太平洋,海風不寒不熱,一路食住個午餐,再品嚐一杯由維維帶來的好立克粉沖成既熱飲,嘩!真係正到爆!
一路行,我地就一路受住太平洋既海風吹,真係好舒服!我地係西灣山一路係咁上,講真係幾辛苦,因為我係做咩住個營既,而且自己係身兼幾個職,做領路之餘,又要照顧我細佬同維維,最大問題係自己咩住個set裝備係30磅,重量係相當攞命,我都唔敢相信信自己可以行到咁遠!
之後我地係西灣同咸田呢個地方經歷左唔少沙灘地段,由其係咸田呢個地方,個灘面係極大,我地行到好近山邊,沙灘沙依然都係有!我地行左好耐,經過大量標距柱,係6點幾7點去到大浪坳,無意中見到一群合家歡形式既行山隊,當中有老有小朋友,當然佢地既體能係仲差過樂行之友最差個幾個,唉!行幾行就休息5分鐘,好唔掂!我都有諗過佢地既年齡既,平均值係大約30歲,不過當時係7點幾,但係仲係岩岩上到大浪岰,仲有一大段路程係要由赤徑出去北潭凹,似乎係慢左d,我地同佢地一齊行,始終有個伴,而且跟人一齊行,係可以好快咁前進,人就會有target,佢地係大浪坳又再小休一次,我地既三人小隊又再前進,過左佢地好多,我地最後係赤徑公廁休息左一段時間先至休息,隔左成10幾分鐘佢地先至趕到!當然我地休息耐一點啦!話哂誠晉哥24磅同埋我30磅重既gear,其實係幾易傷膊頭,咁我地選擇休息耐少少,比膊頭休息耐一點,減少受傷機會,以前就係唔識諗呢一點,長期比膊頭受重,最後係搞到個頸同膊肌肉勞損,要用安美露先至搞掂...
我地係北潭凹煲野食,其實我地唔係咁岩,始終煲野食未係處於燒烤場,我地只係求其搵地方,是是旦旦咁煮一餐,呢一餐雖則都係公仔麵,不過我細佬d手勢真係好,果然係樂行之友入面最鍾意係山上面煮野食既人,日清美味寶加回鍋肉加五香肉丁,簡單而好食!最後我地要趕上嶂上營地,樓梯都幾多,最慘係維維,佢要手提攞住3公升既水!好幸運地我係會同佢輪流運水,咁就可以解決佢既體能上既吃力,講真我都曾經經歷過佢既階段,裝備唔夠好,搞到身水身汗咁做托水...到左嶂上營地,我地三個立即紮營同埋訓事實上我地都好累,電話收唔到,冇得打比家人或朋友,有時都覺得幾無奈...
到左第一個朝早,天氣好凍,而且仲要係有霧,令到個環境凍上加凍,我覺得咁樣幾似個美國國家公園feel,我一起身,點了口煙,扯左一口,除左口噴煙之外,係連一般凍個人呼吸既噴煙,個種感覺好神奇...一朝早我同細佬一齊煲咖啡,來一個暖粒粒既早上...之後我地好努力咁走上呢座西貢西好變態既山雞公山,嘩!樓梯雖少,z位極多,而且平位又係少,基本上我地唔敢停,沿路我地仲係見到2個玩麥徑既人,當然佢地勁我地好多啦!轉眼間我地就上左山頂,攻頂個刻,feel到自己係處於西貢東最高既位置,真係好開心!
我地不斷落山,經過2千幾級落樓梯既折磨,最後到左水浪窩,係水浪窩入面好多人係到燒野食,d細佬係到踢足球,有時都幾令我諗起小學去旅行!同樣地食完一個「公仔lunch」又再起步行啦!第二日通常係最累既時間,我地攻上去麥理浩馬鞍山段,個度有成3000幾級樓梯,對於我黎講,當然係辛苦啦!個時最少都有28磅,一路係咁上,接近冇停過!隨後經過大金鐘,大金鐘呢d山真係碎料,不過我地冇上因為唔係麥徑範圍,而且已經係黃昏時間,我地仲要去好遠基維爾營!最可怕既事情足之都發生左,就係水不夠了!我當然係非常擔心啦,水係成team人既必須品,冇水就好麻煩,嚴重既係可以脫水導致call直升機,我係情急生智下,諗起昂平係有營地,好可能有人玩緊camp,我再係昂平亭仔望一望,嘩!好正豆,真係有人係營地!我地三個問營入面既人借水,咁營地玩緊camp d人就好糠慨比左1.5公升既水比我地,1.5公升既水雖然係唔係夠飲,不過「節衣縮飲」,對我地黎講係冇問題,由昂平營地去基維爾營係7公里,處於冬天時間,仲要係夜晚,可以令用水量極少,而且誠晉哥佢水袋仲有少量既水,應該頂得順!係呢7公里入面,我地過住好少水既情況生存,其實係好危險,萬一其中一個有突發既情況,咁就大煲弼啦!水都冇得係飲...
去基維爾營途中,時間係8點幾,我地經過石芽背,最攞命都係呢段,d石級又多,而且上既數量係唔少!最可怕都係就多基維爾營個段,係介紹基維爾個板個到,突然係草堆入面發出一d怪聲,哄哄聲既,而且係令到唔少草移動,我同誠晉哥就好記得呢d聲係比我阿媽形容過係蟒蛇,我地一諗,唔理得咁多走左先算!
一走之下,我地見到一條馬路,係可以去到基維爾營地,但我就記得營地係私人營地,我就諗緊入面有冇人可以幫到我地呢?之後就見到有一對木板門,但係冇關門的,上面有條馬路,但係就入唔到個營地既,我地入左個閘,見到入面有燈光,一諗之下就覺得入面冇人,最好笑都係冇人個下,我就諗聖誕節通常童軍都係要有一番作為,居然冇人係呢個營地玩camp?覺得童軍冇地買地黎浪費,第二個想法就係我地咁辛苦黎得呢到,而且營地中門大開,仲要冇人監督住,天寒地凍,又冇安定既位置比我地休息,咁我地當然就入黎有一大番作為啦!我地係有燈光既地方進發,我開頭係以為辦公室,點知完來唔係,原來係營地浴室!我地缺水,就係浴室取水,解決缺水既問題!隨後就feel到夜晚趕路根本就係太危險,我地本來打算繼續行,但諗諗下,都係有個穩定地方好訓好過啦!我地搵電筒check過,發現整個營地都係冇人,之後就一路開爐煲野食同訓,半夜可以話係冇教好訓,由於天氣太凍,我諗只有10度,係凍到訓唔到,成晚就係凍到震,之後我頂唔順,著住件褸訓,阿誠就仲好笑,訓個時最多被,但震得最緊要都係佢!身為佢阿哥,當然要睇住佢啦!我立即搵件褸cover埋佢...
一起身,我地就煲埋「最後的早餐」,係pack野之際,突然有兩位20幾30歲既男士,其中一位係係職員,佢就話:「你地路過ar?」我就話:「唔係ar!尋晚係好緊急既情況寄人籬下,因為太大風太凍啦!」職員:「下?尋晚都未見你地咖,你地亂入私人地方,我係可以叫警察的!」我回應:「哦!冇辦法ar!尋晚得個10度,凍到死咁...唔好意思!」職員:「下次小心d,check足d營地就冇事ga啦!」我心諗你冇病嘛,中門大開,我地係咁危急關頭仲同我地講d咁既野,不如你諗下我地尋日既處境好過啦!聰明既童軍...離開時,我地都好認真咁處理d垃圾,始終人地主場我地作客,有d公德心都好既...
最後,有趣既事情發生左,我地行到獅子山,我地開爐煲野飲,之後突然聽到d「呀哎」聲,我地三個係到估係咩動物,我就一估就估猴,係個幾分鐘,「呀」愈來愈近,而且次數亦愈來愈密,最後我地係突然間,聽到樹聲,我仲睇到樹木既搖擺,一隻猴子突然走出來!其後其他「部隊成員」亦趕至,我同維維立即手執行山杖,作出防衛既動作,例如敲打樹枝,製造氣勢!讓對方唔敢接近我地,而我細佬就不斷咁收拾行李,係安全既情況下我地成功離開...
經過連綿山路,我地去到畢架山,畢架山好多樓梯,當然就簡單過馬鞍山啦!係路途上我地見到蛇!我細佬用一聲「woo」,就嚇退左條蛇...我地上到山頂個時,仲影左畢架山既「大波波」,個d波係發射站!
係最後,我地係城門水塘下山,係下山途中,我地係見到一大班猴子衝下山,大約過百隻,佢地衝下山,原因係時間已經黃昏了,猴子要回家了...隨住猴子既回家,我地亦都要回家了!我地最後係標距柱115完成我地3日2夜既麥徑歷險...呢次行程,係最辛苦既一次,不過亦都係最開心既一次!而且係最多人鼓勵我既一次,我係呢到好多謝師父miss chu既提示同埋出借地圖,另外好多謝阿媽一直都有留心留意我既來電,最後要多謝一位,一直係電話旁邊支持我既人,就係那隻「傻豬」啦!她一直都有sd sms同打電話比我,我好開心聽到佢對我既支持同鼓勵,讓我完成半段麥徑!
3日,係絕對行唔哂麥理浩徑!除非你體能好強啦!
|
