飛鵝山,之前我已經同上山下海行過一次,今次同樂行之友行 ,又另一番體會,今次路線簡單之餘又可以睇到唔少靚景,而且仲睇到好多唔同既效果,例如倒轉行一座山、放樂行電兔、教會員玩後追、衝落山,仲有去睇左飛鵝山既飛雲道既超級落地玻璃...

我地由學校出發,搭旅巴去到彩虹邨個邊,之後我地行左好耐既悶爆既馬路,感覺上都幾無奈,講真我其實對石屎路係毫無興趣,係好悶之餘仲要係無風景睇,直至我地到左飛雲道!嘩!d豪宅係非常之靚,估計細既都有700至900呎,d落地玻璃真係大得好誇張,如果第時自己有能力既,有一間咁大既屋都唔錯!有車房仲要係有蓋車房,有天台有花園,的確係幾靚!

睇完屋之後就繼續上山,飛鵝山貴為九龍最高,但行個時最辛苦又唔係飛鵝山,呢一點先至最出奇,因為以往既地區性既高山,一係就路面崎嶇,又或者係比d樓梯玩扯死,的確比樓梯扯死個下係幾辛苦,但登上最高峰係幾爽!咁而家我登上左西貢東最高既蚺蛇尖468米、北區加元朗雞公嶺585、九龍飛鵝山602米、港島扯旗山552米、將軍澳區釣魚翁、馬鞍山702米,不過我仲差西貢西既石屋山、香港中部大帽山...

其實樂行之友既會員體能可以以一個悲劇黎形容,我覺得強既同弱既愈來愈懸殊,弱既人總係想行得快,點都係想行得快,但能力此終係好有限!

咁我地上左山頂個時,當然係非常開心啦!我係第一個上到去,而且係可以跑上山,攻上個下真係好爽!可惜收唔到電話,如果收到既我都想同自己最心既人一齊講用分享,我會打電話比她!同佢一齊分享喜悅...

今日既行程好簡單,我隻腳就完全冇累意,可能係麥徑練到好好既腳骨力!哈!