今日食飯睇電視個陣,咁就睇到一個電視節目「高朋滿座」,咁今集就係講到聯名戶口,原來香港有好多男士都認為聯名戶口係一個幾可怕既,包括我老豆在內,都冇同我阿媽去做聯名戶口
其實我覺得兩個人如果要為將來有打算,應該要至少有一手準備,以一個積穀防饑既態度面對,以避免萬一有d咩事上黎,一個錢都癟冇既咁就呆滯啦!對未來既生活提供一個不錯既保障,又有咩怕呢?
我有好多野唔明白,點解男士們要咁怕開聯名戶口,其實如果對自己既另一半有一份責任感既,咁好應該去開個聯名戶口,對於我黎聯名戶口係幾緊要,因為我自己都怕會有時用錢用多左,咁有一個聯名戶口,可以由老婆仔去幫手儲錢,咁就唔會怕冇錢啦!我自問自己到今日都係覺得自己係大洗,我大洗在邊呢?相信都係打機啦!每次一入到機鋪就打成40蚊先出得返黎,諗落我覺得自己用得太多錢了,我應該係時候諗下積穀防饑!
我老豆點解唔鍾意開聯名戶口,原來佢嫌攞錢用個時麻煩,所以就同我阿媽用左一段短時間聯名戶口之後,就一直都冇用啦!我覺得我老豆係唔識得為將來打算,以為自己退休食長糧,有政府養就可以舒服冇憂米!
人既處事唔係咁,要為將來打算,唔係以一時既快樂,就可以揮霍無度,我都覺得自己要再節儉點,因為我仲要同她有將來既發展,呢d就係一個丈夫對家庭既態度,要養妻活兒的!
|
