今年既情人節,我唔洗再孤獨地過,今年就好開心咁同老婆仔而面對面形式會面,老婆仔病左都照出黎,我作為老公既當然係擔心ga啦!不過都好欣賞老婆仔既毅力,佢都好錫我,我亦都好感動!

咁今日老婆仔係0705個時打比我,我就得知佢唔能夠返學,38.9度,點返學呢?未返學先來個暈低咁就大檸樂啦...咁我就懷住一個幾擔心既心情返學,始終自己老婆發燒燒成咁,都幾可怕!

之後我第一堂,立即上到去圖書館自修,其實我係開著部腦,立即做我第一個工作,同老婆仔留個言!我仲比左d情人節既第一個1至10...

lunch time個時,梗係立即打比老婆仔啦!老婆仔都係病得好辛苦,唉!發燒都係退下又熱下...

最好笑都係放學個時,冇意中見到老婆仔企係學校門口,佢等阿魚落功課比佢,咁個時睇佢又冇咁病,之後我地廢事比學校其他人見到,咁我地都係要互扮不識,咁冇意中比我見到steven同cheryl,哈!佢地兩個肯定有節目!

之後我返到屋企,換衫個時,老婆仔就打比我,咁我就拿拿聲加快速度,直衝出黎!係北區公園某處,都有唔少情侶揀呢到作為拍拖勝地,咁我同佢都係咁啦!開頭就傾左一輪計,之後玩玩下玩到擲鞋,真係好鬼好笑!

我地最後互送左大家準備左既禮物,咁老婆就送左d扭蛋既tomy車仔,再一樽幸運星!我非常之喜歡!

呢個情人節,雖然老婆仔病左,但都可以一齊好開心咁渡過短短既時間,我好感動!情人節,不再孤獨了!我鍾意你ar!老婆仔!>3<